યે દુનિયા, હૈ તુફાન મેલ..ની ગાયિકા કાનનદેવીની સર્જન-યાત્રા મંચ પર!

કોલકાતામાં 'કાનન બાલા થેકે કાનનદેવી' શીર્ષક ધરાવતી નવીનતમ રજૂઆત એકેડેમી ઑફ ફાઇન આર્ટ્સ અને મધુસૂદન મંચમાં અનુક્રમે મંચન કરવામાં આવી. મહત્ત્વની વાત એ છે કે તેના તમામ કલાકારો મુંબઈથી આવ્યા અને એક હેતુ પાર પાડવા કાનનદેવીની સ્મૃતિ તાજી કરી ગયા

- મુકેશ ઠક્કર

જયારે ફિલ્મ ઉદ્યોગ કોલકાતામાં મોખરે હતો ત્યારે સાયલન્ટ ફિલ્મોનો યુગ હતો. સાયલન્ટ ફિલ્મોથી ટોકીઝમાં સરળતા સાથે સફળ એકમાત્ર ગાયિકા કલાકાર કાનન બાલા હતી. જેણે સરળ અભિનય સાથે ભારતીય ફિલ્મ ઉદ્યોગમાં સુપરસ્ટાર સુધી સંઘર્ષ કર્યો.

કોલકાતામાં 'કાનન બાલા થેકે કાનનદેવી' શીર્ષક ધરાવતી નવીનતમ રજૂઆત એકેડેમી ઑફ ફાઇન આર્ટ્સ અને મધુસૂદન મંચમાં અનુક્રમે મંચન કરવામાં આવી. મહત્ત્વની વાત એ છે કે તેના તમામ કલાકારો મુંબઈથી આવ્યા અને એક હેતુ પાર પાડવા કાનનદેવીની સ્મૃતિ તાજી કરી ગયા.

હકીકતમાં મુંબઈનું ‘આનંદમ્’ જૂથ કલાપ્રેમીઓનું સંગઠન છે. તેમાં મેડિકો, એન્જિનિયર્સ, વૈજ્ઞાનિકો, પાઇલટ્સ, ચાર્ટર્ડ એકાઉન્ટન્ટ્સ, પ્રોફેસરો અને કોર્પોરેટ્સ સામેલ છે. ૪૩ વરસ પહેલાં એક મિશન સાથે થિયેટર જૂથ બનાવવા તેઓ ભેગાં થયાં હતાં. અન્ય કલાપ્રેમી જૂથોથી વિપરીત, ‘આનંદમ્’ પાસે ધ્યેય છે. તેમણે અત્યાર સુધી તેમનાં નાટકોથી એક કરોડ જેટલી રકમ દર્દીઓની સારવાર અને શિક્ષણ માટે દાનમાં ફાળવી છે, પીડિતો માટે ફાળવી છે.