આ ચૂંટણીમાં ક્યા મુદ્દા છે?

મોંઘવારી ખરેખર સમસ્યા છે. શાકભાજી, દૂધ, અનાજ કે વીજળી, ગેસ, પેટ્રોલ, ડીઝલ વગેરે. આ મુદ્દે ઘણા મતદારો દુઃખી છે. પગાર એટલો વધતો ના હોય જેટલો રોજનો ખર્ચો વધતો હોય કે ચૂંટણીમાં બીજા બે મુદ્દા કે ઇસ્યું છે જેની ચર્ચા કરી શકાય એમ નથી. એક તો છે ઇવીએમ. બીજો ચર્ચા ના કરી શકાય કે ચર્ચા કરવાનો કોઈ અર્થ નથી એ પોઇન્ટ છે નરેન્દ્ર મોદી

- ગૌરાંગ અમીન

તલપાપડ કે બદામપાપડ થઈને મતનો માલ લેવા દોડનારા દોડશે

ગુપ્ત મુદ્દાના ગુપ્ત મતથી ઉમેદવાર ’ને મતદારને આ ચૂંટણી જોડશે

ચૂંટણી હોય એટલે ચર્ચાનું ચગડોળ ચાલુ થાય. કોણ જીતશે? કોણ જીતવું જોઈએ? એ પ્રકારની ભાવકતાપર્ણ ચર્ચા સાથે વિચારનારા વિચારે છે કે શું શું સમસ્યા છે. એક તરફ સમસ્યા સાથે જોડાયેલા હોય છે સમસ્યા રજૂ કરનારના વિચાર ’ને તે સાથે સમસ્યા કોણ ઉકેલી શકે એ માન્યતા. બીજી તરફ સમસ્યા દૂર થવી જોઈએ એ ઇચ્છા સાથે કોણ દૂર કરી શકે એ વિચારવાની તૈયારી. જેમણે અગાઉથી પોતાનું વલણ તૈયાર કરી દીધું હોય તેમની સમસ્યાની વ્યાખ્યા ’ને તેના ઉકેલ અંગેની ગણતરી જુદી હોય છે. જેમને સમસ્યા દૂર કેવી રીતે થશે એ જાણવામાં થોડો કે વધારે રસ હોય એ ગણતરી કરવાનું ચાલુ રાખે છે કે ખરેખર કોણ આ સમસ્યા દૂર કરી શકશે ’ને દૂર કરશે. જરૂરી નથી કે લોકશાહીમાં ચૂંટણી અમુક સમસ્યા દૂર કરવા જ ’ને તમુક મુદ્દા પર જ લડાય. જરૂરી નથી કે બહુમત લોકોની આંખે ઊડીને વળગે એવા નિશ્ચિત સમસ્યાઓ ’ને મુદ્દાઓ ના હોય તેમ છતાં કોઈ પક્ષ પોતાની દૃષ્ટિએ સમસ્યા 'ને મુદ્દા શું છે એ રજૂ ના કરે. આ વખતની ગુજરાતની વિધાનસભાની ચૂંટણીમાં ગુજરાતની જનતાને કઈ સમસ્યા દેખાય છે એ સ્પષ્ટ રીતે તારવવું હજુ સુધી શક્ય બન્યું નથી.