વિરોધપક્ષોનો આંતરિક જંગ હજુ ચાલુ છે..

મુસ્લિમ બહુમતીવાળા સાગરદીઘી વિધાનસભા મત વિસ્તારમાં તાજેતરની પેટા ચૂંટણીમાં કોંગ્રેસનો વિજય થયો, એ બાબતે પણ મમતાને આઘાત લાગ્યો હતો

વિરોધપક્ષોના જોડાણ માટે ચાલી રહેલા પ્રયત્નોમાં આ સૂચિત જોડાણના બિગ બૉસ યાને કે સર્વોચ્ચ નેતા રાહુલ ગાંધીને જાહેર કરવામાં ન આવે એ માટે મમતા બેનરજી ભારે પ્રયાસો કરી રહ્યાં છે, તેનાથી કોંગ્રેસ મૂંઝવણમાં છે. કોંગ્રેસના નેતા અધિર રંજન ચૌધરીએ એવું કહ્યું છે કે, તપાસ એજન્સીઓની બીકને કારણે મમતા બેનરજી ભાજપની ગેમ ખેલી રહ્યાં છે. તૃણમૂલ કોંગ્રેસના સમર્થકો આ વાતને રદિયો આપતાં એવું કહે છે કે, કેન્દ્રીય તપાસ સંસ્થાઓ હજુ પણ મમતા બેનરજીના ભત્રીજા અભિષેક અને તેમના સાથીઓને પરેશાન કરે છે.