સંવેદના સુવાલકાની ડોક્ટરમાંથી એક્ટર થવાની સફર

હૅપી ફૅમિલી પ્રાઇવેટ લિમિટેડ, ‘બે યાર’ અને ‘નટસમ્રાટ’ જેવી ગુજરાતી ફિલ્મ તથા ‘દૃશ્યમ-૨’ અને આ સપ્તાહે (૧૫મી જૂન) ઍમેઝોન પ્રાઇમ પર આવી રહેલા શૉ ‘જી કરદા’માં મહત્ત્વનું પાત્ર ભજવી રહેલી અભિનેત્રી સંવેદના સુવાલકાની ‘અભિયાન' સાથે એક્સક્લુઝિવ વાતચીત.

- પાર્થ દવે

અરુણિમા શર્મા દિગ્દર્શિત સિરીઝ ‘જી કરદા’માં તમન્ના ભાટિયા અને અશિમ ગુલાટી સહિતનાં કલાકારો છે. સંવેદના સુવાલકા મૂળ જામનગરનાં છે. તેઓ એમબીબીએમસ છે. ડોક્ટરમાંથી અભિનેત્રી બનવાની સફર અહીં રજૂ કરી છે.

‘જી કરદા’ સિરીઝમાં શું છે?

‘જી કરદા’માં ૭ સ્કૂલ ફ્રેન્ડ્ઝની વાર્તા છે. હવે તેઓ ત્રીસીમાં આવી ચૂક્યા છે અને પોતપોતાની જિંદગીમાં વ્યસ્ત છે. દરેક વ્યક્તિની પોતાની વાર્તા છે. જુદા-જુદા પ્રશ્નો છે. બધાને હતું કે ત્રીસ સુધી તો લાઇફ સેટ થઈ જશે, પણ એવું થયું નથી. તેમણે કરેલી પસંદગી મુજબ રિએક્શન આવી રહ્યા છે.

મારું જ એક પાત્ર પરણિત છે..

આ સાતમાંથી એક મારું પાત્ર જ પરણિત છે. શીતલ નામ છે. શીતલ સાઉથ બોમ્બેની ગુજરાતી છોકરી છે. મારા પતિ તરીકે અભિનેતા મલ્હાર ઠાકર છે. શીતલનું આખું કુટુંબ સારું છે, પણ તેને મુંબઈમાં તેમના ઘરમાં સ્પેસ (જગ્યા)નો પ્રોબ્લેમ છે. શીતલને તેના સાસરાના કુટુંબથી અલગ નથી થવું, પણ તેનું કહેવું છે કે એક અલગ રૂમ હોવો જોઈએ. પતિ-પત્ની વચ્ચેનો પ્રશ્ન ધીમે-ધીમે વધે છે. આ રીતે આઠ એપિસોડમાં સાત પાત્રની જર્ની ચાલે છે.

કઈ રીતે મળી સિરીઝ?