રાજકાજ

કોચિંગ ક્લાસ પર નિયંત્રણનો પ્રયાસ સફળ થશે?

કોચિંગ વિખ્યાત રાજસ્થાનના વિદ્યાર્થીઓની આત્મહત્યાનો મામલો અનેક વખત ચર્ચાસ્પદ બનતો રહે છે. આવી ઘટના બને ત્યારે તેને નિવારવા શું કરવું જોઈએ તેનાં સૂચનો થતાં હતાં. કોટામાં અભ્યાસ કરતા વિદ્યાર્થીઓ ઉપર કોચિંગ ક્લાસના અભ્યાસ અને તેમાં ઉચ્ચ ગુણવત્તા સાથે પાસ થવાનું દબાણ વિદ્યાર્થીઓ ઉપર રહેતું. વહેલી સવારથી મોડી રાત સુધી વિદ્યાર્થીઓને વ્યસ્ત રાખવામાં આવતા હતા.

તેને કારણે વિદ્યાર્થીઓ ડિપ્રેશનનો ભોગ બનીને આત્મહત્યાના માર્ગે જતા હતા. હવે કેન્દ્ર સરકારે આ બાબતને લક્ષમાં રાખીને કોચિંગ ક્લાસ માટે માર્ગદર્શિકા જાહેર કરી છે. આ માર્ગદર્શિકાનું ચુસ્તપણે પાલન થાય તો વિદ્યાર્થીઓની ઘણી બધી સમસ્યા નિવારી શકાશે. પ્રશ્ન માત્ર કોટાના કોચિંગ ક્લાસનો જ નથી, દેશભરમાં તમામ નાનાંમોટાં શહેરોમાં કોચિંગ ક્લાસ ચાલી રહ્યા છે.