ફેમિલી ઝોન ફેશન

ટૂરિસ્ટ ડેસ્ટિનેશન અને શોપિંગ

- હેતલ ભટ્ટ

ઉનાળાની ઋતુએ વેગ પકડ્યો છે અને તેની સાથે જ પ્રવાસન સ્થળો પર મુલાકાતીઓની સંખ્યામાં વધારો નોંધાઈ રહ્યો છે. કારણ છે વેકેશન મોડ. જોકે, પ્રવાસન સ્થળો પર તો બારે મહિના પ્રવાસીઓનો ધસારો રહેતો જ હોય છે, પણ વેકેશન દરમિયાન પ્રવાસીઓની સંખ્યામાં વધારો થતો હોય છે. પ્રવાસન સ્થળો લોકપ્રિય બને તેની પાછળ ઘણાં બધાં પરિબળો ભાગ ભજવતાં હોય છે. સૌંદર્ય, સ્વચ્છતા, સ્થાનિકોનો મિલનસાર સ્વભાવ, ફૂડ અને ત્યાંની જાણીતી વસ્તુઓ. ઘણા લોકો પ્રવાસમાં યાદગીરીરૂપે જાણીતી વસ્તુઓ ખરીદવાનું પસંદ કરતાં હોય છે.

પ્રવાસીઓની આ સુટેવ વોકલ ફોર લોકલને પ્રોત્સાહન આપવામાં મહત્ત્વનો ભાગ ભજવે છે. ભારતના પ્રવાસન સ્થળની કઈ વસ્તુઓ પ્રખ્યાત છે અને કઈ વસ્તુની ક્યાંથી શોપિંગ કરી શકાય તે જાણવું રહ્યું.