મિથુન દાની ‘ગરીબો કા અમિતાભ’થી ‘એ' કેટેગરીના હીરો સુધીની સફર

ફિલ્મ ક્ષેત્રે ઉત્કૃષ્ટ પ્રદાન બદલ દાદા સાહેબ ફાળકે ઍવૉર્ડ માટે મિથુન ચક્રવર્તીનું નામ જાહેર થયા બાદ તેમણે કહ્યું હતું, ‘હું કોલકાતાની નાની ગલીઓમાંથી આવ્યો છું. મેં ખૂબ જ સંઘર્ષ કર્યો છે. મેં કરેલી અસાધારણ શરૂઆતને હું ક્યારે નહીં ભૂલી શકું. હું મારી જાતને પૂછું છું, શું આ સાચું છે? હું મારી ભાવનાને શબ્દમાં વ્યક્ત નહીં કરી શકું.’ *** રાષ્ટ્રીય પુરસ્કાર મળ્યા બાદ જ્યારે પત્રકાર ઇન્ટરવ્યૂ લેવા માટે આવ્યા ત્યારે મિથુન ચક્રવર્તી ભૂખના કારણે બોલી શકતા નહોતા. તેમણે પત્રકારને કહ્યું કે, પહેલાં તું જમાડ, પછી જ હું ઇન્ટરવ્યૂ આપીશ!

- પાર્થ દવે

૮મી એવોર્ડ ઓક્ટોબરે, ૭૦મા રાષ્ટ્રીય સમારોહમાં દિગ્ગજ અભિનેતા મિથુન ચક્રવર્તીને ફિલ્મક્ષેત્રે તેમના ઉત્કૃષ્ટ પ્રદાન બદલ દાદા સાહેબ ફાળકે એવોર્ડથી નવાજવામાં આવ્યા. મિથુન દાએ બંગાળી, હિન્દી, તમિલ, તેલગુ, કન્નડ, ઓડિયા અને ભોજપુરી સહિત વિવિધ ભાષાઓમાં મળીને ૩૫૦થી વધુ ફિલ્મમાં કામ કર્યું છે. કોલકાતામાં જન્મેલા મિથુન ચક્રવર્તીની આ દીર્ઘ યાત્રાના પડાવો વિશે, આજે રસપ્રદ વાત કરીએ.

૧૬ જૂન, ૧૯૫૦ના રોજ બસંતા કુમાર 'ચક્રબોર્ડી' અને શાંતિ રાણી ચક્રબોર્ડીને ત્યાં જન્મેલા મિથુને સ્કોટિશ ચર્ચ કોલેજમાંથી કેમેસ્ટ્રીમાં ગ્રેજ્યુએશન કર્યું હતું. મિથુન ચક્રવર્તી ફિલ્મોમાં જોડાયા તે પહેલાં નક્સલાવાદીઓ સાથે સંકળાયા હતા, પરંતુ એક દુર્ઘટનામાં ભાઈનું મૃત્યુ થયા બાદ તે પાછા પરિવાર પાસે આવી ગયા, પરિવારને સંભાળ્યો અને નક્સલની દુનિયા છોડી દીધી.

FTIIની વાત!

મિથુન ચક્રવર્તી ભારતીય માિ અને ટેલિવિઝન સંસ્થા (FTL)ની ૧૯૭૪ની બેચમાંથી પાસ આઉટ થયા હતા.

મિથુન ચક્રવર્તી ભારતીય માિ અને સંસ્થા (FTII)ની ૧૯૭૪ની ત ટેલિવિઝન ર બેચમાંથી પાસ આઉટ થયા હતા. એફ્ટીઆઈઆઈમાં ડિરેક્ટર મૃણાલ સેનની નજર મિથુન ઉપર પડી હતી. તેમણે પોતાની ફિલ્મ ‘મૃગયા’ માટે મિથુનને કાસ્ટ કરી લીધા. મૃગયા આર્ટ-હાઉસ ફિલ્મ હતી. આ પહેલી જ ફિલ્મ માટે મિથુન ચક્રવર્તીને શ્રેષ્ઠ અભિનેતાનો નેશનલ એવોર્ડ મળ્યો હતો. એ જ વર્ષે મિથુને દુલાલ ગુહાની થ્રિલર ફિલ્મ ‘દો અંજાને'માં અમિતાભ બચ્ચન અને રેખા સાથે બ્રિફ રોલ કર્યો હતો.

મિથુન ચક્રવર્તીને મૃગયા માટે નેશનલ એવોર્ડ તો મળ્યો, પરંતુ તેમની પાસે દિલ્હી જવા માટે પૈસા નહોતા. રેખા ત્યારે દિલ્હીમાં ફિલ્મનું શૂટિંગ કરી રહ્યા હતા. તેઓ મિથુન દાને પોતાના સ્પોટ બોય તરીકે દિલ્હી પોતાની ફ્લાઇટમાં સાથે લઈ આવેલા!

પહેલાં કંઈક ખવડાવ, પછી ઇન્ટરવ્યૂ આપું!