જગતની ગત ન્યારી

પિરામિડના અડીખમ ઊભા રહેવા પાછળનું કારણ શું છે?

ઇજિપ્તમાં આવેલા પિરામિડ પોતાના વિશાળ આકાર અને પ્રાચીન ઇતિહાસની સાથે-સાથે નિર્માણ સાથે જોડાયેલાં રહસ્યો માટે હંમેશાંથી ચર્ચાનો મુદ્દો રહ્યા છે. આજે આ પિરામિડ પ્રવાસીઓ માટે લોકપ્રિય પર્યટન સ્થળ છે, પરંતુ હકીકતમાં તે મિસરના રાજાઓ કે જેને ફેરો તરીકે ઓળખવામાં આવતા તેમના મકબરારૂપે બનાવવામાં આવ્યા હતા. ચાર હજાર કરતાં પણ વધુ વર્ષ જૂના આ પિરામિડ પુરતત્ત્વીય નિષ્ણાતો માટે હંમેશાંથી કોયડાસમાન રહ્યા છે.