બાળકીઓની બદ્દ્સા વિશે ક્યારે વિચારીશું?

કુદરત ભેદભાવ કરતી નથી, પણ માનવસમાજે લિંગભેદના નામે એક રેખા દોરી દીધી છે.

- ડૉ. મિતાલી સમોવા

થો ડા સમય પહેલાં સોશિયલ મિડિયા પર એક મિત્રએ એવો પ્રશ્ન પૂછ્યો કે કુદરત જન્મસમયે સ્ત્રીબાળક-પુરુષબાળક બન્નેની સંખ્યા ૫૦-૫૦ ટકા જ રાખતી હોય છે, પરંતુ જેમ જેમ એ બાળક મોટાં થતાં જાય તેમ તેમ એમની સંખ્યા વચ્ચે ખાઈ વધતી જતી હોય છે. બાળકો વયસ્ક થતાં સુધીમાં સ્ત્રીની સંખ્યા ૪૮ ટકા અને પુરુષની સંખ્યા ૫૦ ટકાથી વધુ-બાવન ટકા જેટલી થઈ જાય છે. આ જે બે ટકા ગેપ પડે છે એનું કારણ શું? ત્યારે ટૂંકમાં જવાબ આપેલો કે લૈંગિક ભેદભાવના લીધે દીકરીઓને મળતી ઓછી આરોગ્ય સુવિધાના લીધે બાળમૃત્યુનું વધુ પ્રમાણ અને હ્યુમન ટ્રાફિકિંગ!

દુ:ખદ છે કે આપણી પિતૃસત્તાક વ્યવસ્થાને કારણે જાણીતા-અજાણ્યા માણસો ઉપરાંત ખુદ માતા-પિતા પણ દીકરી કરતાં દીકરાનાં આરોગ્ય અને સુખાકારી બાબતે વધુ જાગ્રત રહેતાં હોય છે અને ખર્ચ તથા જોખમ લેતાં હોય છે, જેથી ઘણા બાળરોગો અને પરિસ્થિતિમાં દીકરા વધુ જીવી વધુ જતા હોય છે, જ્યારે દીકરી એના પેરન્ટ્સ તથા એકંદર સમાજની બેકાળજી-બેદરકારીના લીધે બાળમૃત્યુની વધુ ભોગ બને છે.

બીજી બાજુ, વેશ્યાવૃત્તિ, અંગવિક્રય, ગેરકાનૂની બાળલગ્ન અને ક્રિમિનલ વિશ્વમાં પ્રોબ તરીકે યુવતીનું અપહરણ કરી જવાનો, પ્રેમ વસ્તુ તરીકે કે ઘરની જવાબદારીના નામે કામ-લગ્ન કરવાનાં બહાને તથા એક વેચવાનો વ્યવસાય અવિરતપણે કોઈ પ્રકારની અડચણ વિના ચાલી રહ્યો છે.