അരവിന്ദനൊരു കൊറിയർ

മേലിൽ ഇതാവർത്തിക്കരുത്

- പി.ആർ. കൃഷ്ണൻകുട്ടി

"ദേ......മാലിന്യ സംസ്കരണ പ്ലാന്റിലെ തീപിടിത്തം കഴിഞ്ഞ് കോർപ്പറേഷൻകാര് പ്ലാസ്റ്റിക് മാത്രം തിരഞ്ഞു പെറുക്കി കൊണ്ടു പോയതിന്റെ ബാക്കിയാ... ഭക്ഷണം പൊതിഞ്ഞു വരുന്ന സിങ്ക് ഷീറ്റും മറ്റും കൊണ്ടുപോകില്ലെന്ന്. ഞാൻ എന്ത് ചെയ്യണം ?

പുറത്ത് നിന്ന് കോർപ്പറേഷന്റെ വേസ്റ്റ് ബക്കറ്റുമെടുത്ത് വന്ന അനു സ്വീകരണ മുറിയിൽ ടീവി കണ്ടിരുന്ന അരവിന്ദനോട് പറഞ്ഞു.

"അതിന് വഴിയൊണ്ട്.... നാളെ വെളുപ്പിന് ഞാൻ നടക്കാൻ പോകുമ്പോൾ ഒരു കിറ്റിലാക്കി എന്റെ കയ്യിൽ തന്നാൽ മതി.

ദേ മനുഷ്യാ... വഴിലൊക്കെ കോർപ്പറേഷൻ സി.സി.ടി.വി വച്ചിട്ടൊണ്ട് കെട്ടോ.. ചുമ്മാ റോഡരികിൽ വലിച്ചെറിഞ്ഞാൽ പിഴയടക്കണം... അനു പറഞ്ഞു.

"അത് ഞാൻ വേണ്ടപോലെ കൈകാര്യം ചെയ്തോളാം'. അരവിന്ദൻ പറഞ്ഞു.