സുദേവന്റെ വരുമാനമാർഗ്ഗം

പിതാവിൽ നിന്നും ഊറ്റിയ പണം കൂട്ടുകാരുമൊത്ത് അടിച്ചു പൊളിച്ച് തീർത്ത സുദേവനിപ്പോൾ മറ്റൊരു വരുമാനമാർഗ്ഗത്തേക്കുറിച്ചുളള ആലോചനയിലാണ്.

- ശശി താഴെക്കാട് 9349964581

ബിരുദധാരിയാണ് സുദേവൻ. ഏതൊരു വിദ്യാസമ്പന്നനേയും പോലെ തൊഴിൽ രഹിതൻ. അത്യാവശ്യം സാമ്പത്തിക ഭദ്രതയുളള കുടുംബമാണ് സുദേവന്റേത്. അതുകൊണ്ടുതന്നെ തെല്ലും അല്ലലില്ലാതെയാണ് സുദേവൻ വളർന്നു വന്നത്.

അതിന്റേതായ ദൂഷ്യവശങ്ങളും സുദേവനുണ്ടായിരുന്നു. കൂട്ടുകാരുമൊത്ത് അടിച്ചുപൊളിച്ച് നടക്കുന്നതിലാ യിരുന്നു സുദേവന് ഏറെ താൽപര്യം. അതിനുളള വരുമാനസ്രോതസ്സ് വീട് തന്നെയായിരുന്നു.

മുൻപൊക്കെ സുദേവന്റെ പിതാശ്രീ മകൻ ചോദിക്കുന്ന പണം എന്തിനെന്നോ, ഏതിനെന്നോ ചോദിക്കാതെ കൊടുക്കുമായിരുന്നു. പിന്നെപ്പിന്നെ മകന്റെ പോക്ക് അത്ര പന്തിയല്ലെന്ന് കണ്ട് പിതാവ് അത് നിർത്തലാക്കി. അതോടെ സുദേവന്റെ വരുമാനസ്രോതസ്സ് നിലച്ചു.

കാരണവരുടെ കൈയിൽ പൂത്തകാശുണ്ട്. പക്ഷേ, ധൂർത്തടിക്കാനാണെന്നറിഞ്ഞതു മുതൽ മൂപ്പിലാൻ തരാറുളള പണം തടഞ്ഞു വച്ചിരിക്കുകയാണല്ലോ... ഒടുവിൽ സുദേവനൊരു ഉപായം കണ്ടെത്തി.

ഒരു ദിവസം പോസ്റ്റുമാൻ ചന്ദ്രൻ സുദേവന്റെ വീട്ടിലെത്തി. സുദേവനുള്ള ഒരു കത്ത് പിതാവിന്റെ കൈയിൽ കൊടുത്തു. പുറത്തെവിടെയോ പോയിരിക്കുകയായിരുന്നു സുദേവൻ.

"കത്ത് എവിടെ നിന്നാണ് ചന്ദ്രാ..? പിതാവ് പരിചയക്കാരനായ ചന്ദ്രനോട് തിരക്കി.