അഗ്നിവീർ: പരീക്ഷ എങ്ങനെ?

സോൾജ്യർ ജനറൽ ഡ്യൂട്ടി തസ്തികയുടെ പരീക്ഷാ സിലബസ് തന്നെയാവാനാണ് സാധ്യത

- ക്യാപ്റ്റൻ സെറീന നവാസ്

മുൻപത്തെ സോൾജ്യർ ജനറൽ ഡ്യൂട്ടി തസ്തികയ്ക്ക് സമാനമായ തസ്തികയാണ് അഗ്നിവീർ ജനറൽ ഡ്യൂട്ടി. പേരിൽ മാത്രമേ മാറ്റം വന്നിട്ടുള്ളൂ. പരിശീലനവും ജോലിയുടെ സ്വഭാവവും എല്ലാം ജനറൽ ഡ്യൂട്ടി  സോൾജിയറുടെപോലെത്തന്നെ.

ഏത് ജോലിയും ചെയ്യേണ്ടിവരും. പാറാവ് നിൽക്കൽ, അകമ്പടി പോവൽ, പെട്രോളിങ് തുടങ്ങി നിരവധി ജോലികൾ മേലുദ്യോഗസ്ഥരുടെ നിർദേശമനുസരിച്ച് ചെയ്യാൻ ബാധ്യസ്ഥരാണ് ഇക്കൂട്ടർ. ചുരുക്കത്തിൽ, ഒരു പ്രത്യേക ട്രേഡ് മാത്രമായി ചെയ്യുന്നവരല്ല അഗ്നിവീർ ജനറൽ ഡ്യൂട്ടിക്കാർ. സേനയിൽ ചേർന്നുകഴിഞ്ഞാൽ ഓരോ ദിവസവും അതീവശ്രദ്ധയോടെയും ജാഗ്രതയോടെയും ആത്മാർഥതയോടെയും ജോലികൾ ചെയ്യാൻ പ്രത്യേകം ശ്രദ്ധിക്കണം. കാരണം മിടുക്കന്മാരിൽ മിടുക്കന്മാരായ അഗ്നിവീരന്മാർക്കാണ് നാല് വർഷത്തിനുശേഷം 15 വർഷത്തേക്ക് തുടർനിയമനം ലഭിക്കുക. അതും 25% പേർക്ക് മാത്രം.

പരീക്ഷ

കായികക്ഷമത എന്ന കടമ്പ കടന്നുകഴിയുമ്പോൾ സാധാരണമായി ഉദ്യേഗാർഥികളിൽ അമിതമായ ആത്മവിശ്വാസം കടന്നുകൂടാറുണ്ട്. പ്രത്യേകിച്ച് മെഡിക്കൽ ചെക്കപ്പ് കൂടി കഴിയുമ്പോൾ. ഇതൊരു തെറ്റായ പ്രവണതയാണ്. കാരണം എഴുത്തുപരീക്ഷകൂടി ഉയർന്ന മാർക്കിൽ വിജയിച്ചില്ലെങ്കിൽ കായികക്ഷമതാ പരീക്ഷ വിജയിച്ചതു കൊണ്ടോ മെഡിക്കൽ ചെക്കപ്പ് ക്ലിയർ ചെയ്തതു കൊണ്ടോ പ്രയോജനമില്ല.

സിലബസ്