ആനന്ദം മതമാക്കിയ ബ്രഹ്മാനന്ദ ശിവയോഗി

മനസ്സാണ് ദൈവം എന്നു പറഞ്ഞ സന്ന്യാസിവര്യനാണ് ബ്രഹ്മാനന്ദ ശിവയോഗി. അദ്ദേഹത്തിന്റെ സിദ്ധാന്തങ്ങളും ആശയങ്ങളും ആനന്ദമതം' എന്നറിയപ്പെടുന്നു

- വി. രാധാകൃഷ്ണൻ  

1852ജില്ലയിലെ കൊല്ലങ്കോട് കാരാട്ട് വീട്ടിൽ ജനനം. രാവുണ്യാരത്ത് കുഞ്ഞികൃഷ്ണമേനോൻ, കാരാട്ട് നാണിയമ്മ എന്നിവർ മാതാപിതാക്കൾ. കാരാട്ട് ഗോവിന്ദമേനോൻ എന്നായിരുന്നു യഥാർഥ പേര്. “വിരുതൻ ശങ്കു' എന്ന നോവലിന്റെ രചയിതാവായ കാരാട്ട് അച്യുതമേനോൻ (1866-1913) ഈ തറവാട്ടുകാരനായിരുന്നു.

പ്രാഥമിക വിദ്യാഭ്യാസത്തിനുശേഷം സംസ്കൃതം അഭ്യസിച്ചു. തുടർന്ന് എറണാകുളത്ത് ബന്ധഭവനങ്ങളിൽ താമസിച്ച് സ്വകാര്യ ട്യൂഷൻ മുഖേന ഇംഗ്ലീഷ് ഭാഷയിൽ പ്രാവീണ്യം നേടി. നാട്ടിലെത്തിയപ്പോൾ പാരമ്പര്യമുറയ്ക്ക് ലഭിച്ചിരുന്ന അംശം മേനോൻ എന്ന ഉദ്യോഗം ലഭിച്ചു. എന്നാൽ കോഴിക്കോട്ട് ഒരു നാട്ടുവിദ്യാലയത്തിൽ സംസ്കൃതാധ്യാപകനായി ജോലി ലഭിച്ചപ്പോൾ അത് സ്വീകരിച്ചു. അങ്ങനെ കാലിക്കറ്റ് നേറ്റീവ് (ഇപ്പോൾ ഗണപതി) ഹൈസ്കൂളിൽ സംസ്കൃത മുൻഷിയായി. ഇടക്കാലത്ത് വടവന്നൂരിലെ മരുതൂർ താവുക്കുട്ടിയമ്മയെ വിവാഹം കഴിച്ചു.