കരുത്തു കാട്ടാൻ ലിസ് ട്രസ്

ബ്രിട്ടന്റെ നീണ്ട ചരിത്രത്തിലെ മൂന്നാമത്തെ വനിതാ പ്രധാനമന്ത്രിയാണ് ലിസ് ട്രസ്. അവർ അധികാരമേറ്റതാകട്ടെ, രാജ്യം വലിയ വെല്ലുവിളികൾ നേരിടുന്ന കഷ്ടകാലത്തും. പാർട്ടിയിലും ഭിന്നതകളുണ്ടെന്നതിനാൽ, ലിസ് ട്രസിന് മുന്നോട്ടുള്ള പ്രയാണം എളുപ്പമാകില്ല

- എസ്. രാംകുമാർ

ബ്രി ട്ടന്റെ 56-ാം പ്രധാന മന്ത്രിയായി 47-കാരിയായ ലിസ് ട്രസ് 2022 സെപ്റ്റംബർ ആറിന് അധികാരമേറ്റു. മാർഗരറ്റ് താച്ചറിനും തെരേസ മേക്കും ശേഷം ഈ പദവിയിലെത്തുന്ന വനിതയാണിവർ. എലിസബത്ത് രാജ്ഞി അധികാരം നൽകിയ പതിനഞ്ചാമത്തെയും അവസാനത്തെയും പ്രധാനമന്ത്രി.

ബോറിസ് ജോൺസന്റെ രാജിയെത്തുടർന്നാണ് കൺസർവേറ്റീ വ് പാർട്ടിയുടെ നേതൃസ്ഥാനത്തേക്കും പ്രധാനമന്ത്രിപദത്തിലേക്കും തിരഞ്ഞെടുപ്പ് വേണ്ടിവന്നത്. ഇന്ത്യൻ വംശജനും മുൻധനകാര്യമന്ത്രിയുമായ ഋഷി സുനക്കായിരുന്നു ലിസ് ട്രസിന്റെ എതിരാളി. ആദ്യം പിന്നിൽ നിന്ന ലിസ് ട്രസ് തീവ്രമായ പ്രചാരണത്തിലൂടെ വിജയം കൈപ്പിടിയിലാക്കി.

ജീവിതവും രാഷ്ട്രീയവും

 ഓക്സ്ഫഡിൽ 1975 ജൂലായ് 26-നാണ് ലിസ് ട്രസിന്റെ ജനനം. മുഴുവൻ പേര് മേരി എലിസബത്ത് ട്രസ് അമ്മ പ്രിസില മേരി ട്രസ് നഴ്സായിരുന്നു. അച്ഛൻ ജോൺ കെന്നത്ത് ട്രസ് കോളേജിൽ ഗണിതാധ്യാപകൻ. ഇരുവരും ഇടത് അനുഭാവികൾ.

ഓക്സ്ഫഡ് സർവകലാശാലയ്ക്ക് കീഴിലെ മെർട്ടൻ കോളേജിൽ ഫിലോസഫി, പൊളിറ്റിക്സ്, ഇക്കണോമിക്സ് എന്നിവയിൽ ബിരുദ പഠനത്തിന് ചേർന്ന ലിസ് ട്രസ് വിദ്യാർഥിരാഷ്ട്രീയത്തിൽ സജീവമായി.

മാതാപിതാക്കളുടെ ആശയധാരയിലേക്കുതന്നെയായിരുന്നു തുടക്കത്തിൽ ലിസിന്റെയും ചായ്. 1994-ൽ ലിബറൽ ഡെമോക്രാറ്റുകളുടെ വാർഷികയോഗത്തിൽ ബ്രിട്ടണിലെ രാജപദവി പൂർണമായും നീക്കംചെയ്യണമെന്ന് ലിസ് പ്രസംഗി ച്ചു. 1997-ലാണ് എല്ലാവരെയും ഞെട്ടിച്ചുകൊണ്ട് ലിസ് ട്രസ് കൺസർവേറ്റീവ് പാർട്ടിയിലേക്ക് ചുവടുമാറിയത്. താൻ രാഷ്ട്രീയമായി പക്വത നേടിയെന്നായിരുന്നു വിശദീകരണം. ഈ സമയം ഷൽ കമ്പനിയിൽ ജോലിചെയ്യുകയായിരുന്നു ലിസ്.

2000-ത്തിൽ കേബിൾ ആൻഡ് വയർലസിൽ അക്കൗണ്ടന്റായി ജോലിചെയ്യുമ്പോഴാണ് സഹപ്രവർത്തകനായ ഹ്യൂ..ലിയറിയെ വിവാഹം ചെയ്തത്. ഇവർക്കിപ്പോൾ രണ്ട് പെൺമക്കളുണ്ട്.