ജി.വി.രാജ കായികകേരളത്തിന്റെ പിതാവ്

ജി.വി. രാജയുടെ ജന്മദിനമായ ഒക്ടോബർ 13 സംസ്ഥാന കായികദിനമായി ആചരിക്കുന്നു

- ആതിര തര്യൻ

ഇന്ത്യയുടെ കായിക ഭൂപടത്തിൽ കേരളത്തെ പ്രതിഷ്ഠിക്കുന്നതിൽ പ്രധാന പങ്കുവഹിച്ചയാളാണ് പി.ആർ. ഗോദവർമ രാജ. ലഫ്റ്റനന്റ് കേണലായിരുന്ന അദ്ദേഹം ജി.വി. രാജ എന്നറിയപ്പെട്ടു.

 ജി.വി. രാജ ഇല്ലാതെ കേരളത്തിന്റെ കായികചരിത്രം എഴുതാനാകില്ല. കായിക കേരളത്തിന്റെയും വിനോദസഞ്ചാര വികസനത്തിന്റെയും തലതൊട്ടപ്പനെന്ന് പേരുകേട്ട മനുഷ്യൻ. ഇദ്ദേഹത്തിന്റെ ജന്മദിനമായ ഒക്ടോബർ 13 കേരളസർക്കാർ സംസ്ഥാന കായികദിനമായി ആചരിക്കുന്നു. ഇദ്ദേഹത്തെ കേരളത്തിലെ വിനോദസഞ്ചാരത്തിന്റെ പിതാവായും കണക്കാക്കുന്നു.

ജീവിതം

1908 പൂഞ്ഞാറിൽ കൊട്ടാരത്തിലെ ഒക്ടോബർ 13 ന് കാഞ്ഞിരമറ്റം കാർത്തിക തിരുനാൾ അംബാലിക തമ്പുരാട്ടിയുടെയും പുതുശ്ശേരി മനയ്ക്കൽ നാരായണൻ നമ്പൂതിരിയുടെയും മകനായാണ് ജി.വി. രാജയുടെ ജനനം. സ്കൂൾ എസ്.എം.വി. വിദ്യാഭ്യാസം ഹൈസ്കൂളിലായിരുന്നു. തുടർന്ന് മദ്രാസ് മെഡിക്കൽ കോളേജിൽ മെഡിസിനിൽ ബിരുദപഠനം നടത്തി.

തിരുവിതാംകൂർ മഹാരാജാവ് ശ്രീ ചിത്തിര തിരുനാൾ ബാല രാമവർമയുടെ ഏകസഹോദരിയായ കാർത്തിക തിരുനാൾ ലക്ഷ്മിബായിയാണ് അദ്ദേഹത്തിന്റെ ജീവിതസഖി. മദ്രാസ് മെഡിക്കൽ കോളേജിൽ മൂന്നാം വർഷ വിദ്യാർഥിയായിരിക്കേ 1934 ജനുവരി 24നായിരുന്നു വിവാഹം. വിവാഹസമയം ജി.വി. രാജ് 26 വയസ്സ്. ലക്ഷ്മിബായിക്കാകട്ടെ 17 വയസ്സായിരുന്നു പ്രായം. ലക്ഷ്മിബായിയുമായിട്ടുള്ള വിവാഹശേഷമാണ് ജി.വി. രാജ തിരുവനന്തപുരത്ത് എത്തുന്നത്. വിവാഹശേഷം അന്നത്തെ മരു മക്കത്തായ വ്യവസ്ഥിതിപ്രകാരം ജി.വി. രാജ ഭാര്യക്കൊപ്പം തിരുവനന്തപുരത്ത് സ്ഥിരതാമസമാക്കി. മധുവിധുകാലത്ത് കോവളത്തിന്റെ പ്രകൃതിഭംഗി തിരിച്ചറിഞ്ഞ ഗോദവർമ രാജ അവിടം ഒരു വിനോദസഞ്ചാരമേഖലയാക്കി വികസിപ്പിക്കാൻ തീരുമാനിച്ചു. വിവാഹശേഷം ഗോദവർമ രാജ തിരുവിതാംകൂർ ക്യാപ്റ്റനായി സൈന്യത്തിൽ സൈനിക സേവനത്തിൽ പ്രവേശിച്ചു. ലെഫ്റ്റനന്റ് കേണൽ ആയാണ് 1950-ൽ അദ്ദേഹം വിരമിച്ചത്.

സംഭാവനകൾ