ഡോ.എം.ആർ.ബൈജു PSC ചെയർമാനായി ചുമതലയേറ്റു

തിരുവനന്തപുരം ആറ്റിങ്ങൽ വക്കം സ്വദേശിയാണ്

പി.എസ്.സി. ചെയർമാനായി ഡോ.എം.ആർ. ബൈജു ചുമതലയേറ്റു. എം.കെ. സക്കീർ വിരമിച്ചതിനെത്തുടർന്നാണ് ഇദ്ദേഹം ചെയർമാനായത്. 2017 ജനുവരി 9 മുതൽ പി.എസ്.സി. അംഗമായി പ്രവർത്തിക്കുകയായിരുന്നു. അംഗത്വം രണ്ടുമാസം ബാക്കിയുള്ളപ്പോഴാണ് ബൈജുവിനെ ചെയർമാനായി സംസ്ഥാന മന്ത്രിസഭായോഗം ശുപാർശ ചെയ്തത്. ഇത് ഗവർണർ അംഗീകരിച്ച് വിജ്ഞാപനം ചെയ്തതോടെ സത്യപ്രതിജ്ഞ ചെയ്ത് ചുമതലയേറ്റു.