ഫയർ വുമൺ: നിയമനശുപാർശ തുടങ്ങി 14 ജില്ലകളിലായി 100 ഒഴിവ്

കോട്ടയത്ത് 5 പേർക്കും വയനാട് 4 പേർക്കും നിയമനം

അഗ്നിശമനസേനയിലേക്കുള്ള വനിതകളുടെ നിയമനശുപാർശ തുടങ്ങി. സംസ്ഥാനത്ത് ആദ്യമായാണ് അഗ്നിശമനസേനയിൽ വനിതകളെ നിയമിക്കുന്നത്. കോട്ടയത്ത് അഞ്ചുപേർക്കും വയനാട് നാലുപേർക്കും നിയമനശുപാർശ അയച്ചു. മറ്റ് ജില്ലകളിലെയും നിയമനശുപാർശകൾ തയ്യാറായിട്ടുണ്ട്. ഈ മാസം തന്നെ അയക്കും. പരിശീലനം ഒരുമിച്ച് നൽകാനാണ് ആലോചിക്കുന്നത്.

14 ജില്ലകൾക്കായി 100 തസ്തികയാണ് സൃഷ്ടിച്ചത്. എന്നാൽ, ആദ്യ ബാച്ചിൽത്തന്നെ നൂറുപേരെ തിരഞ്ഞെടുക്കാനാകില്ല. ചില ജില്ലകളുടെ റാങ്ക് പട്ടികയിൽ ഉദ്യോഗാർഥികൾ തീരെ കുറഞ്ഞതാണ് കാരണം.