மன்னிப்பு கடிதம்! காத்திருக்கும் அழகிரி ஆதரவாளர்கள்!

தி.மு.க.வின் தென்மண்டல அமைப்புச் செயலாளராக இருந்த மு.க.அழகிரி, கடந்த 2014 மக்களவைத் தேர்தலின்போது கட்சித் தலைமைக்கு எதிராகக் கருத்துக்களை தெரிவித்ததால் கலைஞரால் கட்சியிலிருந்து நீக்கப்பட்டார்.

- அண்ணல்

கலைஞரின் மரணத்துக்கு பிறகு மீண்டும் கட்சியில் இணைய அவர் எடுத்த முயற்சிகள் பலனளிக்காத சூழலில், அவரை நம்பி அவர் பின்னால் அணிவகுத்து, தி.மு.க.விலிருந்து நீக்கப்பட்ட தி.மு.க. நிர்வாகிகளும் மீண்டும் கட்சியில் இணைவதற்காக பல்வேறு பல்வேறு வழிகளில் முயன்றுவருகிறார்கள்.

2021ஆம் ஆண்டில் பாண்டி கோவிலருகேயுள்ள திருமண மண்டபத்தில், மு.க.அழகிரி தனது ஆதரவாளர்களுடன் நடத் திய ஆலோசனைக் கூட்டத்தில், "ஸ்டாலின் எப்போதும் முதல்வராக வரமுடியாது, நான் என்ன முடிவெடுத்தாலும் அதை நீங்கள் ஏற்றுக்கொள்ள வேண்டும், எதையும் சந்திக்கத் தயாராக இருங்கள்” என்று மு.க.அழகிரி பரபரப்பாகப் பேசினார். அதையும் கட்சித்தலைமை கண்டுகொள்ளவில்லை.

2021 தேர்தலின்போது பா.ஜ.க.வினர் அழகிரியை வளைக்க முயன்றபோது, "உங்கள் சித்தாந்தம் வேறு, எங்கள்

சித்தாந்தம் வேறு. நான் கலைஞர் மகன்... என்னால் வரமுடி யாது" என்று கோப மாக மறுத்தவர், தனது ஆதரவாளர் களை, "நீங்கள் வேண்டுமானால் கட்சியில் சேர்ந்துகொள்ளுங்கள்" என்றார்.

அவரின் ஆதரவாளர்களோ, "என்றாவது கட்சி உங்களை ஒருநாள் சேர்த்துக் கொள்ளும். நாங்கள் உங்களோடுதான் போவோம்" என்று பிடிவாதம் பிடித்தனர்.