பெரியார் சிலை, படத்துக்கு மாலை அணிவிப்பு

பெரியார் பிறந்த நாளை முன்னிட்டு ஆவடி காமராஜர் நகர் பகுதியில் அமைந்துள்ள தந்தை பெரியார் சிலைக்கு ஆவடி எம்எல்ஏ சா.மு.நாசர் மாலை அணிவித்து மரியாதை செலுத்தினார்.

அப்போது சமூக நீதி நாள் உறுதிமொழி ஏற்றுக்கொண்டார். தொடர்ந்து ஆவடி சட்டமன்ற தொகுதிக்கு உட்பட்ட வார்டு எண் 46, லாசர் நகர் பகுதியில் ₹7.34 லட்சம் மதிப்பிலான 3 புதிய சாலை பணிகளுக்கு அடிக்கல் நாட்டினார். நிகழ்ச்சியில் மாநகர மேயர் ஜி.உதயகுமார், மண்டல தலைவர் ஜெயபாலன், பகுதிச் செயலாளர் நாராயண பிரசாத், பொன் விஜயன், பேபி சேகர், வழக்கறிஞர் வினோத், மாமன்ற உறுப்பினர் மீனாட்சி குமார், வட்டச் செயலாளர் குமார் கலந்து கொண்டனர்.

திருத்தணி: திருத்தணி திவ்வள்ளூர் மேற்கு மாவட்ட திமுக அலுவலகத்தில் மலர்களால் அலங்கரிக்கப்பட்ட பெரியாரின் திருவுருவப் படத்திற்கு மாவட்டச் செயலாளர் திருத்தணி சந்திரன் எம்எல்ஏ மலர் தூவி மரியாதை செலுத்தினார். இதில் ஒன்றியச் செயலாளர்கள் ஆரத்தி ரவி, கிருஷ்ணன், சண்முகம் பழனி, மாவட்ட நெசவாளர் அணி அமைப்பாளர் உதயசூரியன், மாவட்ட ஆதிதிராவிடர் நலக்குழு அமைப்பாளர் சிலம்பு பன்னீர்செல்வம், சிறுபான்மை நலப்பிரிவு மாவட்ட அமைப்பாளர் சித்திக், கலை இலக்கிய பகுத்தறிவு பிரிவு மாவட்ட அமைப்பாளர் மத்தூர் பன்னீர்செல்வம், இலக்கிய அணி மாவட்ட துணை அமைப்பாளர் அன்பு, தலைமை பேச்சாளர் முரசொலி மூர்த்தி, ஆர்கே பேட்டை சம்பத் உட்பட திமுக நிர்வாகிகள் கலந்து கொண்டனர்.