பிரதமர் குறித்த கார்கேவின் கருத்து வெறுக்கத்தக்கது

ஒன்றிய உள்துறை அமைச்சர் அமித் ஷா கண்டனம்

ஜம்முவில் நடந்த பொதுக்கூட்டத்தில் பிரதமர் மோடி குறித்து காங்கிரஸ் தலைவர் கார்கே கூறிய கருத்துக்கள் முற்றிலும் வெறுக்கத்தக்கது மற்றும் அவமானகரமானது என்று ஒன்றிய உள்துறை அமைச்சர் அமித் ஷா தெரிவித்துள்ளார்.

ஜம்மு காஷ்மீரின் ஜஸ்ரோதாவில் நேற்று முன்தினம் நடந்த பொதுக்கூட்டத்தில் காங்கிரஸ் கட்சியின் தலைவர் மல்லிகார்ஜூன கார்கே கலந்து கொண்டார். அப்போது திடீரென அவர் மயக்கமடைந்தார். பின்னர் கட்சி நிர்வாகிகள் அவரை ஆசுவாசப்படுத்தினார்கள். இதனை தொடர்ந்து சிறிது நேரம் கழித்து பேசிய கார்கே, \”எனக்கு 83 வயதாகிறது. நான் அவ்வளவு சீக்கிரத்தில் இறக்க மாட்டேன். பிரதமர் மோடியை ஆட்சியில் இருந்து அகற்றும் வரை நான் இறக்கமாட்டேன்\” என்றார்.