தமிழகத்திலேயே முதன்முறையாக கொளத்தூர் வீனஸ் நகரில் கழிவுநீர் உந்து நிலையங்களை இயக்க செயலி அறிமுகம்

நச்சு வாயுவை தடுக்க நவீன தொழில் நுட்பம் | குடிநீர் மற்றும் கழிவுநீரகற்று வாரியம் அசத்தல்

சென்னை யில் எப்போதும் சவாலாக இருக்கும் பணிகளில் கழிவுநீர்கற்று பணியும் ஒன்று. பல்வேறு இக்கட்டான காலகட்டங்களில் குடிநீர் மற்றும் கழிவுநீர்கற்று வாரிய ஊழியர்கள் பொது மக்களுக்கு உறுதுணையாக இருந்துள்ளனர். குறிப்பாக, கொரோனா காலகட்டம் மற்றும் மழை வெள்ள பாதிப்புகளில் சாலைகளில் தேங்கும் கழிவுநீரை அகற்றும் பணி மற்றும் வீடுகளில் கழிவுநீர் அடித்துக்கொண்டால் அதனை அகற்றும் பணிகளில் அவர்களின் பங்களிப்பு அளவிட முடியாதது.

ஒரு காலகட்டத்தில் கழிவுநீர் கால்வாயில் அடைப்பு ஏற்பட்டால் அதனை மனிதர்கள்தான் இறங்கி சரிசெய்யினர். அந்த நிலை படிப்படியாக மாறி, தற்போது நவீன இயந்திரங்களை கொண்டு கால்வாய் அடைப்பு சுத்தம் செய்யப்படுகிறது. குறிப்பாக, ஜெட் ரோடு இயந்திரங்கள் மற்றும் அடைப்பை துல்லியமாக படம்பிடித்து காட்டும் நவீன இயந்திரங்கள் என பல தொழில்நுட்பங்கள் வந்த பிறகு ஓரளவிற்கு கழிவுநீர் அகற்றும் பணியில் உள்ளவர்களுக்கு அது ஒரு வரப்பிரசாதமாக உள்ளது.

அந்த வகையில், தமிழகம் திலேயே முதன்முறையாக மொபைல் செயலி மூலம் கழிவுநீர் உந்து நிலையத்தை இயக்கும் செயல் திட்டமும், கழிவுநீர் உந்து நிலையங்களில் இருந்து வெளியேறும் நச்சு வாயுவை தடுக்கும் தொழில்நுட்பமும் கொளத்தூரில் வெற்றிகரமாக நடைமுறைக்கு வந்துள்ளது.