சல்மான் கான், தாவூத் கும்பலுடன் தொடர்பு வைத்ததே மகாராஷ்டிரா மாஜி அமைச்சர் கொலைக்கு காரணம்?

மகாராஷ்டிரா முன்னாள் அமைச்சரும், அஜித் பவாரின் தேசியவாத காங்கிரஸ் மூத்த தலைவருமான பாபா சித்திக் கொலை செய்யப்பட்ட தற்கு, லாரன்ஸ் பிஷ்னோய் கும் பல் பொறுப்பேற்றுள்ளது.

சல்மான் கான், தாவூத் கும்பலுடன் அவர் தொடர்பு வைத்திருந்ததே கொலைக்கு காரணம் என விசார ணையில் திடுக்கிடும் தகவல்கள் அம்பலமாகி உள்ளன.

அஜித்பவார் தலைமையிலான தேசியவாத காங்கிரஸ் கட்சியின் மூத்த தலைவர், பாபா சித்திக். துவக்க காலத்தில் காங்கிரஸ் கட்சி யில் இருந்த இவர், கடந்த பிப்ரவரி 12ம் தேதி தான் காங்கிரஸ் கட்சி யின் அடிப்படை உறுப்பினர் பத வியை ராஜினாமா செய்து விட்டு, அஜித்பவார் தலைமை யிலான தேசியவாத காங்கிரசில் இணைந் தார். இவரது மகன் ஜீஷன் சித்திக், காங்கி ரஸ் கட்சியை சேர்ந்த எம்எல்ஏ. பாந்த்ராவில் உள்ள கெர் நகரில் இவரது அலுவலகம் உள்ளது.

பாபா சித்திக், பாந்த்ரா மேற்கு சட்டப்பேரவை தொகுதியில் 1999, 2004 மற்றும் 2009 என 3 முறை தொடர்ந்து எம்எல்ஏவாக தேர் வானவர். விலாஸ்ராவ் தேஷ்முக் தலைமையிலான அமைச்சர வையில் 2004 முதல் 2008 வரை உணவு மற்றும் சிவில் சப்ளை துறை அமைச்சராகவும், தொழி லாளர் துறை அமைச்சராகவும் பதவி வகித்தவர். இந்நிலையில், மக னின் எம்எல்ஏ அலுவலகத்துக்கு நேற்று முன்தினம் இரவு வந்தார். இரவு 9.30 மணிக்கு அலுவலகத்தை விட்டு வெளியே வந்தபோது, அங்கு நின்றிருந்த சிலர் அவரை நோக்கி துப்பாக்கியால் சரமா ரியாகச் சுட்டு விட்டு தப்பினர். உடனடியாக அங்கிருந்தவர்கள் பாபா சித்திக்கை அருகில் உள்ள லீலாவதி மருத்துவமனைக்கு கொண்டு சென்றனர். அங்கு அவருக்கு தீவிர சிகிச்சை அளித் தும் காப்பாற்ற முடியவில்லை. அவர் இறந்து விட்டதாக, இரவு 11.27 மணிக்கு அதிகாரப்பூர்வமாக அறிவிக்கப்பட்டது. மகாராஷ்டி ராவில் சட்டப்பேரவைத் தேர்தல் நெருங்கும் நிலையில் இந்தச் சம்ப வம் மாநிலம் முழுவதும் பெரும் பரபரப்பையும் அதிர்ச்சியையும் ஏற்படுத்தியுள்ளது. பாபா சித் திக்கிற்கு ஒய் பிரிவு பாதுகாப்பு அளிக்கப்பட்டிருந்தபோதும் இந்த சம்பவம் நடந்துள்ளது அதிர்ச்சி அளிப்பதாக உள்ளது.