சென்னையில் 2 நாளுக்குப்பின் வெயில் அடிக்க தொடங்கியது

மக்கள் நிம்மதி பெருமூச்சு வழக்கமான பணிக்கு திரும்பினர் போக்குவரத்தும் சகஜ நிலைக்கு திரும்பியது

சென்னை யில் 2 நாட்களுக்கு பிறகு நேற்று வெயில் அடிக்க தொடங்கியது. இதனால் மக்கள் நிம்மதி பெருமூச்சு விட்டனர். வழக்கமான பணிகளை செய்ய தொடங்கினர். வாகன போக்குவரத்தும் பழைய நிலைக்கு திரும்பியது.

தென்கிழக்கு வங்கக்கடல் பகுதியில் குறைந்த காற்றழுத்த தாழ்வுப்பகுதி கடந்த 14ம் தேதி உருவானது. இது 2 நாட்களில் மேற்கு-வடமேற்கு திசையில் நகர்ந்து வடதமிழகம், அதையொட்டிய தெற்கு ஆந்திர கடலோர பகுதி மற்றும் புதுச்சேரியை நோக்கி நகரும். அதேபோல், தமிழக பகுதிகளின் மேல் ஒரு வளிமண்டல மேலடுக்கு சுழற்சி நிலவியது. மேலும், தெற்கு ஆந்திர கடலோர பகுதிகள் மற்றும் அதனை ஒட்டிய மத்திய மேற்கு வங்கக்கடல் பகுதிகளில் ஒரு வளிமண்டல மேலடுக்கு சுழற்சி நிலவியது.