முன்னாள் அமைச்சர் வேலுமணி நண்பர் உள்பட 11 பேர் மீது வழக்கு

அதிமுக ஆட்சியில் சோலார் விளக்கு அமைத்ததில் 73.72 கோடி மோசடி

புதுகை லஞ்ச ஒழிப்பு துறை அதிரடி

அதிமுக ஆட்சியில் சோலார் விளக்கு அமைத்ததில் ரூ.3.72 கோடி முறைகேடு தொடர்பாக முன்னாள் அமைச்சர் வேலுமணி நண்பர் மற்றும் 8 பிடிஓக்கள் உள்பட 11 பேர் மீது புதுக்கோட்டை லஞ்ச ஒழிப்பு போலீசார் வழக்குப்பதிவு செய்துள்ளனர்.

புதுக்கோட்டை மாவட்டம், கறம்பக்குடி அருகே கருக்காகாடு பகுதியை சேர்ந்தவர் முருகானந்தம் (58). இவர், புதுக்கோட்டை வடக்கு மாவட்ட பாஜ பொருளாளர். இவரது அண்ணன் ரவிச்சந்திரன் (60), கறம்பக்குடி ஒன்றிய அலுவலகத்தில் துணை பிடிஓவாக பணியாற்றி வருகிறார்.

தம்பி பழனிவேல் (56) அதிமுக எம்ஜிஆர் மன்ற இளைஞர் அணி மாவட்ட செயலாளராக உள்ளார். புதுக்கோட்டை மாவட்டத்தில் 2019-2020ல் அதிமுக ஆட்சி காலத்தில் தெருக்களில் சோலார் விளக்கு அமைக்கப்பட்டது. இதில் மணமேல்குடி, கந்தர்வகோட்டை, திருவரங்குளம், அறங்தாங்கி, அரிமளம், கறம்பக்குடி, திருமயம், குன்றாண்டார்கோவில் ஆகிய 8 ஊராட்சி ஒன்றியங்களில் பழனிவேலுக்கு சொந்தமான நாகா டிரேடர்ஸ், முருகானந்தத்தின் மனைவி காந்திமதி நடத்தி வரும் வீரா ஏஜென்சி மற்றும் புதுக்கோட்டை பிரிட்டோ நகரை சேர்ந்த ஷேக் அப்துல்லா(51) என்பவர் நடத்தி வரும் ‘ஹெச்எஸ்பி’ நிறுவனங்களில் இருந்து சோலார் விளக்குகள் வாங்கப்பட்டு முறைகேடு நடந்து உள்ளது, கண்டுபிடிக்கப்பட்டது.