சாரண, சாரணியர் இயக்க வைர விழா ₹10 கோடியில் தேசிய ஜாம்போரி நடக்க திட்ட

பாரத சாரண சாரணியர் இயக்கத்தின் வைர விழாவை முன்னிட்டு தேசிய அளவிலான கலைஞர் நூற்றாண்டு நினைவு வைர விழா ஜாம்போரி ரூ.10 கோடி மதிப்பில் நடத்தப்படும் என்று பள்ளிக் கல்வித்துறை அமைச்சர் அன்பில் மகேஷ் தெரிவித்துள்ளார்.

இதுகுறித்து அவர் வெளியிட்டுள்ள அறிக்கை:

சாரண சாரணியரின் பல்வேறு செயல்திட்டங்களை வெளியில் கொண்டு வரும் வகையில் மாவட்ட அளவில் பேரணிகள், கேம்பரிகளும், தேசிய அளவில் 4 ஆண்டுகளுக்கு ஒரு முறை ஜாம்போரிகளும் நடத்தப்படுகின்றன. சாரணர்களில், ஜாம்போரி என்பது தேசிய அல்லது சர்வதேச அளவில் அணிவகுத்துச் செல்லும் சாரணர்கள் அல்லது பெண் வழிகாட்டிகளின் ஒரு பெரிய கூட்டமாகும். இந்நிலையில், பாரத சாரண சாரணியர் இயக்க தேசிய தலைமையகம் ‘வைரவிழா பெருந்திரளி’ நடத்துவதற்கு திட்டமிட்டுள்ளது.