இந்தியாவிலேயே முதல்முறையாக கன்னியாகுமரி கடலில் கண்ணாடி பாலம்

திருவள்ளுவர் சிலை - விவேகானந்தர் பாறையை இணைக்கிறது | முதல்வர் மு.க.ஸ்டாலின் திறந்து வைத்தார்

கன்னியாகுமரி கடலில் திருவள்ளுவர் சிலை நிறுவப்பட்டு 25வது ஆண்டு வெள்ளிவிழாவையொட்டி, இந்தியாவில் முதன்முறையாக திருவள்ளுவர் சிலை-விவேகானந்தர் பாறை இடையே கடல் நடுவே 737 கோடியில் கட்டப்பட்ட கண்ணாடி இழை பாலத்தை முதல்வர் மு.க.ஸ்டாலின் திறந்து வைத்தார்.

சர்வதேச சுற்றுலா தலமான கன்னியாகுமரியில் முக்கடலும் சூழும் பகுதியில் 133 அடி உயரத்தில் திருவள்ளுவர் சிலை நிறுவப்பட்டு, 2000ம் ஆண்டு ஜனவரி 1ம் தேதி அப்போதைய முதல்வர் கலைஞர் द्वारा திறந்து வைக்கப்பட்டது. இதன் 25ம் ஆண்டு வெள்ளிவிழா கொண்டாட்டம், தமிழ்நாடு அரசு சார்பில் நேற்று தொடங்கியது.

இந்த விழாவில் பங்கேற்க தூத்துக்குடியில் இருந்து நேற்று மதியம் கார் மூலம் முதல்வர் மு.க.ஸ்டாலின், குமரி மாவட்டம் வந்தார். அவரை கன்னியாகுமரி அருகே மகாதானபுரம் ரவுண்டானா பகுதியில் பொதுமக்கள் திரண்டு உற்சாகமாக வரவேற்றனர். தொடர்ந்து கன்னியாகுமரி அரசு விருந்தினர் மாளிகையில் தங்கினார்.