காங்கிரஸுக்கு தலைவர் ராகுல்; கார்கே அல்ல!

'காங்கிரஸ் கட்சியை இன்னும் ராகுல் காந்தி தான் ரிமோட் மூலம் இயக்கி வருகிறார்; அக்கட்சிக்கு ராகுல்தான் தலைவர், மல்லிகார்ஜுன கார்கே அல்ல' என்று முன்னாள் காங்கிரஸ் மூத்த தலைவர் குலாம் நபி ஆசாத் குற்றம்சாட்டினார்.

புது தில்லி, ஏப். 6: தனது சுயசரிதை நூலை குலாம் நபி ஆசாத் விரைவில் வெளியிட உள்ளார்.

ஜம்மு-காஷ்மீரைச் சேர்ந்த குலாம் நபி ஆசாத் (73), காங்கிரஸ் கட்சியில் 50 ஆண்டுகளுக்கு மேலாக செயலாற்றி வந்தார். கட்சியின் கட்டமைப்பை சீர்குலைத்து வருவதாக ராகுல் காந்தி மீது குற்றச்சாட்டை சுமத்தி அக்கட்சியிலிருந்து வெளியேறிய அவர், 'ஜனநாயக ஆசாத் கட்சி' என்னும் புதிய கட்சியைக் கடந்த செப்டம்பர் மாதம் தொடங்கினார்.

முன்னதாக, ஆசாத் மாநிலங்களவை உறுப்பினராக ஓய்வு பெறும் நாளன்று அவரை பிரதமர் மோடி வெகுவாகப் பாராட்டிப் பேசியிருந்தார்.

தனது சுயசரிதை நூல்வெளியீட்டையொட்டி நடைபெற்ற செய்தியாளர்கள் சந்திப்பில் அவர் கூறியதாவது: