கார்கே, ராகுலுடன் நிதீஷ், தேஜஸ்வி சந்திப்பு: எதிா்க்கட்சிகளை ஓரணியில் திரட்ட உறுதி

காங்கிரஸ் தேசியத் தலைவா் மல்லிகாா்ஜுன காா்கே, ராகுல் காந்தி ஆகியோரை பிகாா் முதல்வரும் ஐக்கிய ஜனதா தளம் தலைவருமான நிதீஷ் குமாா், துணை முதல்வரும் ராஷ்ட்ரீய ஜனதா தளம் தலைவருமான தேஜஸ்வி யாதவ் ஆகியோா் தில்லியில் புதன்கிழமை சந்தித்து ஆலோசனை நடத்தினா்.

2024 மக்களவைத் தோ்தலில் பாஜகவுக்கு எதிராக எதிா்க்கட்சிகளை ஓரணியில் திரட்ட உறுதிபூண்டுள்ளதாக, அவா்கள் கூட்டாக தெரிவித்தனா்.

பாஜகவுக்கு எதிராக ஒருமித்த கருத்துடைய கட்சிகள் ஒன்றுபட வேண்டுமென்ற குரல்கள் ஒலித்து வரும் நிலையில், தில்லியில் உள்ள காா்கேவின் இல்லத்தில் நடைபெற்ற இந்தச் சந்திப்பு முக்கியத்துவம் பெற்றுள்ளது.

பிகாரில் ஐக்கிய ஜனதா தளம், ராஷ்ட்ரீய ஜனதா தளம், காங்கிரஸ் கூட்டணி ஆட்சி நடைபெறுகிறது. பொதுவான செயல்திட்டத்தின் அடிப்படையில், எதிா்க்கட்சிகளை ஒருங்கிணைப்பதற்கான பேச்சுவாா்த்தைகளில் இக்கட்சிகள் ஈடுபட்டுள்ளன.

இந்நிலையில், தில்லியில் நடைபெற்ற சந்திப்புக்கு பின்னா், செய்தியாளா்களுக்கு தலைவா்கள் கூட்டாக பேட்டியளித்தனா். அப்போது, காா்கே கூறுகையில், ‘அரசியல் சாசனம் மற்றும் ஜனநாயகத்தை எதிா்க்கட்சிகள் ஒன்றிணைந்து காப்பதுடன், தேசத்துக்கு புதிய திசையை காட்ட வேண்டும்’ என்றாா்.

‘வரலாற்றுச் சிறப்புமிக்கது’: எதிா்க்கட்சிகளை ஒருங்கிணைப்பதற்கான வரலாற்றுச் சிறப்புமிக்க நடவடிக்கையே இக்கூட்டம் என்று ராகுல் காந்தி குறிப்பிட்டாா். அவா் மேலும் கூறியதாவது: