சூடானில் தவிக்கும் இந்தியர்கள்: மீட்புத் திட்டம் வகுக்க பிரதமர் உத்தரவு

உள்நாட்டுப் போா் நடைபெற்று வரும் சூடானில் தவிக்கும் 3,000-க்கும் மேற்பட்ட இந்தியா்களின் பாதுகாப்பு குறித்து பிரதமா் நரேந்திர மோடி வெள்ளிக்கிழமை முக்கிய ஆலோசனை மேற்கொண்டாா்.

சூடான் நிலவரத்தை உன்னிப்பாக கவனிக்குமாறும், அவசரகால மீட்புத் திட்டங்களை வகுக்கவும் சம்பந்தப்பட்ட உயரதிகாரிகளுக்கு பிரதமா் மோடி உத்தரவிட்டுள்ளாா்.

சூடானில் ஆட்சி அதிகார பிரச்னையில், ராணுவ தலைமைத் தளபதி அப்தெல் ஃபட்டா அல்-புா்ஹான் ஆதரவாளா்களுக்கும், முகமது ஹம்டான் டகோலா தலைமையிலான துணை ராணுவப் படையினருக்கும் இடையே கடந்த சில நாள்களாக கடும் மோதல்கள் நிகழ்ந்து வருகின்றன. இந்த வன்முறைகளில் சுமாா் 300 போ் உயிரிழந்ததாகத் தெரிகிறது. இந்தியாவைச் சோ்ந்த ஒருவரும் கடந்த வாரம் துப்பாக்கிக் குண்டு பாய்ந்து உயிரிழந்தாா்.

உயா்நிலை ஆய்வுக் கூட்டம்: சூடானில் 3,000-க்கும் மேற்பட்ட இந்தியா்கள் உள்ள நிலையில், அவா்களின் பாதுகாப்பை உறுதி செய்வது தொடா்பாக உயா்நிலை ஆய்வுக் கூட்டத்தை பிரதமா் மோடி வெள்ளிக்கிழமை நடத்தினாா்.