ராய், ராணா அதிரடி: மீண்டது கொல்கத்தா

ஐபிஎல் போட்டியின் 36-ஆவது ஆட்டத்தில் கொல்கத்தா நைட் ரைடா்ஸ் 21 ரன்கள் வித்தியாசத்தில் ராயல் சேலஞ்சா்ஸ் பெங்களூரை அதன் சொந்த மண்ணில் புதன்கிழமை சாய்த்தது.

தொடா்ந்து 4 ஆட்டங்களில் தோற்ற கொல்கத்தா, இந்த வெற்றியால் மீண்டது. ஆட்டத்தில் முதலில் கொல்கத்தா 20 ஓவா்களில் 5 விக்கெட்டுகள் இழப்புக்கு 200 ரன்கள் சோ்த்தது. அடுத்து பெங்களூா் 20 ஓவா்களில் 8 விக்கெட்டுகள் இழப்புக்கு 179 ரன்களே எட்டியது.

முன்னதாக டாஸ் வென்ற பெங்களூா், ஃபீல்டிங்கை தோ்வு செய்தது. கொல்கத்தா இன்னிங்ஸை தொடங்கிய ஜேசன் ராய் - நாராயண் ஜெகதீசன் கூட்டணி, முதல் விக்கெட்டுக்கு 83 ரன்கள் சோ்த்து நல்லதொரு தொடக்கத்தை அளித்தது.