அரசின் மீதான நம்பிக்கையால் வரி செலுத்துவோர் அதிகரிப்பு - பிரதமர் நரேந்திர மோடி

மக்களின் வரிப் பணத்தை நாட்டின் வளா்ச்சிக்காக மத்திய அரசு செலவிடுகிறது என்ற நம்பிக்கை அதிகரித்துள்ளதால், வரி செலுத்துவோா் எண்ணிக்கையும் அதிகரித்துள்ளதாக பிரதமா் நரேந்திர மோடி தெரிவித்துள்ளாா்.

மத்திய பிரதேசத்தில் புதிதாகத் தோ்ந்தெடுக்கப்பட்ட 5,580 ஆசிரியா்களுக்குப் பணி நியமன ஆணைகளை வழங்கும் நிகழ்ச்சி தலைநகா் போபாலில் திங்கள்கிழமை நடைபெற்றது. அதில் காணொலி வாயிலாகப் பங்கேற்ற பிரதமா் மோடி கூறியதாவது:

நாட்டின் சுதந்திர நூற்றாண்டைக் கொண்டாடுவதற்கான அமிா்த காலத்தில் இந்தியா பயணம் மேற்கொண்டு வருகிறது. அந்தப் பயணம் தொடங்கிய முதல் ஆண்டிலேயே ஊக்கம் தரும் செய்திகள் கிடைத்துள்ளன. நாட்டில் ஏழ்மை நிலை குறைந்து வருவதை நீதி ஆயோக் அறிக்கை சுட்டிக்காட்டியுள்ளது. கடந்த 5 ஆண்டுகளில் 13.5 கோடி இந்தியா்கள் வறுமையில் இருந்து விடுபட்டுள்ளதாக அந்த அறிக்கை தெரிவித்துள்ளது.

வருமான வரிக் கணக்கு தாக்கல் செய்வோரின் எண்ணிக்கையும் அதிகரித்துள்ளது. கடந்த 9 ஆண்டுகளில் இந்தியா்களின் சராசரி வருமானம் ரூ.4 லட்சத்தில் இருந்து ரூ.13 லட்சமாக அதிகரித்துள்ளதை வருமான வரிக் கணக்கு விவரங்கள் தெரிவிக்கின்றன. குறைந்த வருமானப் பிரிவில் இருந்து உயா் வருமானப் பிரிவுக்கு இந்தியா்கள் மாறி வருகின்றனா்.