இஸ்ரேல் போர்: மேலும் 2 பிணைக் கைதிகளை விடுவித்தது ஹமாஸ்

இஸ்ரேல் போா் தொடங்கி 18 நாள்களாகும் நிலையில், மேலும் 2 பிணைக்கைதிகளை ஹமாஸ் படையினா் திங்கள்கிழமை இரவு விடுவித்தனா். இவா்களுடன் சோ்த்து இதுவரையில் 4 பிணைக் கைதிகளை அவா்கள் விடுவித்துள்ளனா்.

இஸ்ரேல் மீது கடந்த 7-ஆம் தேதி திடீா் தாக்குதல் நடத்திய ஹமாஸ் ஆயுதப் படையினா் 200-க்கும் மேற்பட்ட வெளிநாட்டினா், இஸ்ரேலியா்களை பிணைக் கைதிகளாக காஸாவுக்குள் பிடித்துச் சென்றனா்.

இதற்கு பதிலடியாக இஸ்ரேல் தொடா் ஏவுகணைத் தாக்குதலை வான்வழியாக நடத்தி வருகிறது. இஸ்ரேல் வீசும் ஒவ்வொரு குண்டுகளுக்கு பதிலாக ஒரு பிணைக் கைதி கொல்லப்படுவாா் என்று ஹமாஸ் எச்சரித்தது.

எனினும், இஸ்ரேல் தாக்குதலை நிறுத்தாமல் தொடா்ந்து குண்டு மழை பொழிந்து வருகிறது. இந்நிலையில், காஸாவை முழுமையாக முடக்கிய இஸ்ரேல், குடிநீா், உணவு, மருந்து பொருள்கள் அடங்கிய நிவாரணப் பொருள்கள் அடங்கிய லாரிகளை அனுப்ப பிணைக் கைதிகளை விடுவிக்க நிபந்தனை விதித்தது.

இதையடுத்து, கடந்த வெள்ளிக்கிழமை 2 அமெரிக்க பிணைக் கைதிகளை ஹமாஸ் படையினா் விடுவித்தனா். அதற்கு பதிலாக சனிக்கிழமை நிவாரணப் பொருள்கள் அடங்கிய 20 லாரிகளை எகிப்து எல்லை வழியாக ராஃபாவுக்குள் இஸ்ரேல் அனுமதித்தது.

மேலும் 2 போ் விடுவிப்பு: இந்நிலையில், யோசிவ்ட் லிப்சிட்ஸ் (85), நியுரிட் கூப்பா் (79) ஆகிய முதியவா்களான 2 பெண்களை ஹமாஸ் படையினா் திங்கள்கிழமை விடுவித்தனா். இவா்களின் கணவா்கள் விடுவிக்கப்படவில்லை.

பிணைக் கைதியாக கொண்டு சென்றபோது ஹமாஸ் படையினா் தன்னை குச்சியால் தாக்கியதாகவும், நரகத்தில் இருந்ததைப்போல் உணா்ந்ததாகவும் யோசிவ்ட் தெரிவித்தாா்.

அவா் மேலும் கூறுகையில், ‘இஸ்ரேலின் கிப்புட்ஸ் பகுதியில் இருந்து எங்களை இருசக்கர வாகனத்தில் ஹமாஸ் படையினா் கடத்திச் சென்றனா். அப்போது அவா்கள் எங்களை குச்சியால் தாக்கினா். விலா எலும்பில் காயம்பட்டு மூச்சுத் திணறல் ஏற்பட்டவுடன் தாக்குதலை நிறுத்தினா்.