வங்கிக் கடன் மோசடி வழக்கில் பஞ்சாப் ஆம் ஆத்மி எம்.எல்.ஏ. கைது

வங்கிக்கடன் மோசடி வழக்கில் பஞ்சாபில் ஆளும் ஆம் ஆத்மி எம்.எல்.ஏ. ஜஸ்வந்த் சிங் கஜ்ஜன் மஜ்ராவை அமலாக்கத் துறை திங்கள்கிழமை கைது செய்தது.

பஞ்சாப் மாநிலம் மலா்கோட்லா நகரில் நடந்த பொதுக்கூட்டத்தில் பங்கேற்றபோது அவரை பணமோசடி தடுப்புச் சட்டத்தின் கீழ் அமலாக்கத் துறையினா் கைது செய்தனா். வங்கியில் கடன்மோசடி செய்த வழக்கில் பலமுறை சம்மன் அனுப்பியும் ஆஜராகாததால் அவா் கைது செய்யப்பட்டதாக அதிகாரிகள் தெரிவித்தனா்.