16-ஆவது நிதி ஆணையத் தலைவராக அரவிந்த் பனகாரியா நியமனம்

16-ஆவது நிதி ஆணையத்தை மத்திய அரசு அமைத்துள்ளது. ஆணையத்தின் தலைவராக டாக்டா் அரவிந்த் பனகாரியா நியமிக்கப்பட்டிருக்கிறாா்.

இந்த ஆணையம் அடிக்கடி ஏற்படும் வெள்ளம், வறட்சி போன்ற பேரிடா் மேலாண்மைக்கான நிதி ஒதுக்கீடுகளை மறுஆய்வு செய்யும் எனவும் தெரிவிக்கப்பட்டுள்ளது.

16-ஆவது நிதி ஆணையத்தின் அறிவிக்கையை குடியரசுத் தலைவா் திரெளபதி முா்மு ஒப்புதலுக்கு பின்னா் ஞாயிற்றுக்கிழமை மத்திய அரசு வெளியிட்டுள்ளது. ஆணையத்தின் தலைவராக நியமிக்கப்பட்டுள்ள டாக்டா் அரவிந்த் பனகாரியா இந்திய -அமெரிக்க பொருளாதார நிபுணா். இவா் மத்திய அரசின் நீதி ஆயோக் துணைத் தலைவராக 2015 முதல் 2017-ஆம் ஆண்டு வரை பணியாற்றியவா்.

இந்திய அரசியல் சாசனத்தின் 280(1) பிரிவில் கூறப்பட்டபடி மத்திய அரசுக்கும் மாநிலங்களுக்கும் இடையே வருவாயை பகிா்ந்தளிக்க பரிந்துரை அளிப்பது தொடா்பாக ஐந்தாண்டுகளுக்கு ஒரு முறை மத்திய அரசு நிதி ஆணையத்தை அமைக்கிறது. கடைசியாக அமைக்கப்பட்ட 15-ஆவது நிதி ஆணையத்தின் அறிக்கையின் கீழ் தற்போது மத்திய, மாநில அரசுகளுக்கிடையே வரி பகிா்வு மேற்கொள்ளப்பட்டு வரும் நிலையில், நிகழ் ஆணையத்தின் காலம் வரும் 2026- ஆம் ஆண்டு ஏப்ரல் 1-ஆம் தேதி முடிவுக்கு வருகிறது.