ஹூதிக்களை பயங்கரவாதிகளாக அறிவித்தது அமெரிக்கா

ஈரான் ஆதரவுடன் செயல்பட்டுவரும் யேமனின் ஹூதி கிளர்ச்சிப் படையை பயங்கரவாத அமைப்பாக அமெரிக்கா அறிவித்துள்ளது.

போரில் காஸா ஹமாஸ் அமைப்பினருக்கு ஆதரவு தெரிவிக்கும் வகையில் செங்கடல் வழியாகச் செல்லும் சரக்குக் கப்பல்கள் மீது ஹூதி கிளர்ச்சியாளர்கள் தாக்குதல் நடத்துவதால் இந்த அறிவிப்பை அமெரிக்கா வெளியிட்டுள்ளது.

இது குறித்து அமெரிக்க தேசிய பாதுகாப்பு ஆலோசகர் ஜேக்சல் லிவன் வெளியிட்டுள்ள அறிக்கையில் தெரிவிக்கப்பட்டுள்ளதாவது: செங்கடலிலும்,யேடன்வளை குடாவிலும் அமெரிக்க பாதுகாப்புப் படை மற்றும் சர்வதேச சரக்குக் கப்பல்கள் மீது யேமனின் ஹூதி கிளர்ச்சிப் படையினர் இதுவரை இல்லாத அளவுக்கு தாக்குதல் நடத்தி வருகின்றனர்.

இந்தத் தாக்குதல், பயங்கரவாதச் செயல் என்றவரையறைக்குள் கனக்கச்சிதமாகப் பொருந்துகிறது. ஹூதிக்களால் அமெரிக்க பாதுகாப்புப் படையினருக்கும், சர்வதேச சரக்குக் கப்பல் பணியாளர்கள் மற்றும் நட்பு நாட்டினருக்கும் அச்சுறுத்தல் ஏற்பட்டுள்ளது.

மேலும், சர்வதேச கடல் போக்குவரத்துச் சுதந்திரத்துக்கு ஹூதி கிளர்ச்சியாளர்கள் அபாயத்தை உண்டாக்கியுள்ளனர்.

அவர்களால் தொடரும் இந்த எதிர்கொள்ளும் வகையில், 'ஹூதிக்கள்’ அன்ச என்று அழைக்கப்படும் ருல்லா படையை சர்வதேச பயங்கரவாத அமைப்பாக அமெரிக்கா அறிவிக்கிறது.