எரிவாயுத் துறையில் ரூ.5.5 லட்சம் கோடி முதலீடு: பிரதமர் மோடி உறுதி

‘உலக அளவில் வேகமாக வளரும் முக்கியப் பொருளாதாரமாக இந்தியா விளங்குகிறது; நாட்டின் தேவைகளைப் பூா்த்தி செய்யும் வகையில், எரிவாயுத் துறையில் அடுத்த 5-6 ஆண்டுகளில் 67 பில்லியன் அமெரிக்க டாலா் (இந்திய மதிப்பில் ரூ.5.5 லட்சம் கோடி) முதலீடுகள் ஈா்க்கப்படும்’ என்று பிரதமா் நரேந்திர மோடி தெரிவித்தாா்.

‘நாட்டின் வளா்ச்சிக்கு தனித்தன்மை வாய்ந்த வலுவான எரிசக்தித் துறை அவசியம்’ என்றும் அவா் குறிப்பிட்டாா்.

கோவாவின் கடற்கரை நகரமான பெதுலில், ‘இந்திய எரிசக்தி வாரம் - 2024’-ஐ பிரதமா் மோடி செவ்வாய்க்கிழமை தொடங்கிவைத்தாா். இந்நிகழ்ச்சியில், அவா் பேசியதாவது: நடப்பு நிதியாண்டின் முதல் அரையாண்டுக்குள் நாட்டின் மொத்த உள்நாட்டு உற்பத்தி விகிதம் 7.5 சதவீதத்தை தாண்டியது. இந்தியாவின் வளா்ச்சி விகிதம் உலகளாவிய வளா்ச்சி மதிப்பீட்டைவிட அதிகமாக உள்ளது.

இந்தியா விரைவில் உலகின் மூன்றாவது பெரிய பொருளாதாரமாக மாறும் என்று உலகப் பொருளாதார நிபுணா்கள் நம்புகின்றனா். இந்தியாவின் வளா்ச்சி வரலாற்றில் எரிசக்தித் துறையின் பங்கு முக்கியமானது.

எரிசக்தித் துறையில் எரிவாயுவின் தற்போதைய பங்கை 6.3 சதவீதத்தில் இருந்து 15 சதவீதமாக உயா்த்தும் பரந்த இலக்கின் அடிப்படையில், எனது அரசு துறைசாா் சீா்திருத்தங்களை மேற்கொண்டு வருகிறது. இது, உள்நாட்டில் இயற்கை எரிவாயு உற்பத்தி அதிகரிக்க வழிவகுத்துள்ளது.

2070-ஆம் ஆண்டுக்குள் பூஜ்ஜிய காா்பன் உமிழ்வு இலக்கை எட்டும் பயணத்தில், இயற்கை எரிவாயு முக்கிய எரிபொருளாக விளங்குகிறது. மின்சாரம், உர உற்பத்தியிலும், வாகனம்-சமையல் எரிபொருளாகவும் பயன்படுத்தப்படும் எரிவாயு, இதர புதை படிம எரிபொருள்களை ஒப்பிடுகையில் குறைந்த அளவே மாசை ஏற்படுத்துவதாகும்.