திமுக-காங்கிரஸ் தொகுதி உடன்பாடு

மக்களவைத் தேர்தலில் திமுக கூட்டணியில் போட்டியிடும் காங்கிரஸ் கட்சிக்கு புதுச்சேரி உட்பட 10 தொகுதிகள் ஒதுக்கப்பட்டுள்ளது.

சென்னை, மார்ச் 9: மக்களவைத் தேர்தலில் திமுக-காங்கிரஸ் இடையே தொகுதிப் பங்கீடு தொடர்பாக சனிக்கிழமை உடன்பாடு ஏற்பட்டது.

தமிழகத்தில் 9 தொகுதிகள், புதுச்சேரியில் ஒரு தொகுதி என 10 தொகுதிகள் காங்கிரஸ் கட்சிக்கு ஒதுக்கீடு செய்யப்பட்டுள்ளன.

காங்கிரஸுடனான உடன்பாட்டுடன் திமுக கூட்டணியில் தொகுதிப் பங்கீடு நிறைவு பெற்றுள்ளது.

தமிழகத்தில் திமுக 21 தொகுதிகளில் களம் காண்கிறது. எந்தெந்த கட்சிகள் எந்தெந்த தொகுதிகளில் போட்டியிடும் என்கிற முழுமையான விவரங்களை ஓரிரு நாள்களில் திமுக தலைமை வெளியிட உள்ளது.

திமுக, காங்கிரஸ் இடையே தொகுதிப் பங்கீடு பேச்சுவார்த்தை கடந்த சில வாரங்களாக நடை பெற்று வந்தது. புதுச்சேரி இல்லாமல், தமிழகத்தில் மட்டும் இரட்டை இலக்கத்தில் தொகுதிகள் வேண்டும் என்று காங்கிரஸ் கோரி வந்த நிலையில், கடந்த மக்களவைத் தேர்தலைப் போன்றே இந்தத் தேர்தலிலும் தொகுதிகளை வழங்க திமுக தலைமை முடிவு செய்தது.