வளர்ச்சிக்குத் தடை திமுக

பிரதமர் மோடி குற்றச்சாட்டு

தமிழகத்தின் வளர்ச்சிக்கு திமுக தடையாக இருப்பதாக பிரதமர் நரேந்திர மோடி குற்றஞ்சாட்டினார். 'திமுக எப்போதும் வெறுப்பு, பிரிவினைவாத அரசியலைத் தான் செய்யும். அவர்களின் கவனம் எப்போதும் தமிழ்நாட்டின் வளர்ச்சியின் மீது இருந்ததே இல்லை' எனவும் அவர் கடுமையான விமர்சனங்களை முன்வைத்தார்.

பாஜக கூட்டணி சார்பில் போட்டியிடும் வேட்பாளர்களை ஆதரித்து வேலூரிலும், கோவையிலும் புதன்கிழமை நடைபெற்ற தேர்தல் பிரசார பொதுக்கூட்டங்களில் பேசியபோது அவர் இவ்வாறு கூறினார்.

பாஜக கூட்டணி சார்பில் போட்டியிடும் ஏ.சி.சண்முகம் (வேலூர்), கே.பாலு (அரக்கோ ணம்), செளமியா அன்புமணி (தருமபுரி), கே.எஸ்.நரசிம்மன் (கிருஷ்ணகிரி), அஸ்வத்தாமன் (திருவண்ணாமலை), கணேஷ்குமார் (ஆரணி) ஆகிய 6 வேட்பாளர்களை ஆதரித்து வேலூர் கோட்டை மைதானத்தில் புதன்கிழமை காலையில் நடைபெற்ற பிரதமர் பொதுக்கூட்டத்தில் மோடி பேசியதாவது: தமிழ் வருடப் பிறப்புக்கு (ஏப்.14) அனைவருக்கும் வாழ்த்துக ளைக் கூறிக்கொள்கிறேன்.

தமிழகத்தில் பாஜக தலைமையிலான தேசிய ஜனநாயக கூட்ட ணிக்கு ஆதரவு பெருகி வருகிறது. இந்த அன்பு, ஆசியைக் கொண்டு தமிழகத்தின் வளர்ச்சிக்கு எனது முழுத்திறனையும் பயன்படுத்துவேன்.

21-ஆம் நூற்றாண்டில் இந்தியாவையும், தமிழகத்தையும் ஒன்றிணைந்து வளர்க்க வேண்டும். அதற்கான சிறந்த அடித்தளத்தை கடந்த 10 ஆண்டுகால தேசிய ஜனநாயக கூட்டணி ஆட்சி ஏற்படுத்தியுள்ளது.