சென்னை உள்பட மூன்று நகரங்களில் ரூ.1,146 கோடியில் அடுக்குமாடி குடியிருப்புகள் மறுகட்டுமானம் - முதல்வர் மு.க.ஸ்டாலின் அறிவிப்பு

சென்னை உள்பட மூன்று நகரங்களில் ரூ.1,146 கோடியில் 28 ஆயிரத்து 643 அடுக்குமாடி குடியிருப்புகள் மறுகட்டுமானம் செய்யப்படும் என்று சட்டப் பேரவையில் முதல்வா் மு.க.ஸ்டாலின் அறிவித்தாா்.

சட்டப்பேரவையில் விதி 110-ன் கீழ் அவா் வெள்ளிக்கிழமை படித்தளித்த அறிக்கை:

திமுக அரசு பொறுப்பேற்ற பிறகு தமிழ்நாடு நகா்ப்புற வாழ்விட மேம்பாட்டு வாரியப் பணிகளுக்கு முன்னுரிமை அளிக்கப்பட்டு, கடந்த 3 ஆண்டுகளில் மட்டும் இதுவரை 29 ஆயிரத்து 439 அடுக்குமாடி குடியிருப்புகளும், 1 லட்சத்து 70 ஆயிரத்து 462 தனி வீடுகளும் கட்டி முடிக்கப்பட்டுள்ளன. மேலும், 172 திட்டப் பகுதிகளில் 79 ஆயிரத்து 94 அடுக்குமாடிக் குடியிருப்புகளும், 89 ஆயிரத்து 429 தனி வீடுகளுக்கான கட்டுமானப் பணிகளும் பல்வேறு நிலைகளில் நடைபெற்று வருகின்றன.