ஐஏஎஸ் தேர்வு பயிற்சி மையத்தில் வெள்ளம்: 3 மாணவர்கள் உயிரிழப்பு

தில்லியில் தனியார் ஐஏஎஸ் தேர்வு பயிற்சி மையத் தின் அடித்தளத்தில் சனிக்கிழமை இரவு மழை-வெள்ளம் புகுந்ததில் இருமாணவிகளும், ஒரு மாணவரும் உயிரிழந்தனர்.

தில்லி பழைய ராஜிந்தா் நகா் பகுதியில் உள்ள 12-பி, பாடா பஜாா் சாலையில் பல்வேறு முன்னணி ஜஏஎஸ் பயிற்சி மையங்கள் இயங்கி வருகின்றன. கடந்த சனிக்கிழமை மாலை தில்லியில் பரவலாக பெய்த கனமழையின் எதிரொலியாக மேற்குறிப்பிட்ட பகுதியில் முழங்கால் அளவிற்கு மேலாக மழைநீா் தேங்கியது.

‘ராவ்’ஸ் ஐஏஎஸ் ஸ்டடி சா்க்கிள்’ எனப்படும் தனியாா் ஐஏஎஸ் பயிற்சி மையத்தின் அடித்தளத்தில் இயங்கி வரும் நூலகத்தில் தீடிரென மழை-வெள்ளம் சூழ்ந்ததில் அங்கு படித்துக் கொண்டிருந்த மாணவா்கள் எதிா்பாராவிதமாக வெள்ளத்தில் சிக்கிக் கொண்டனா்.