ஹிஸ்புல்லா படைக்கு புதிய தலைமை

லெபனானின் சக்திவாய்ந்த ஆயுதக் குழுவான ஹிஸ்புல்லா அமைப்பின் புதிய தலைவராக மதகுரு நயீம் காஸிம் (71) செவ்வாய்க்கிழமை அறிவிக்கப்பட்டார்.

இஸ்ரேலால் கடந்த மாதம் படுகொலை செய்யப்பட்ட ஹிஸ்புல்லா படையின் நீண்ட கால தலைவா் ஹஸன் நஸ்ரல்லாவுக்குப் பதிலாக அவா் அந்தப் பொறுப்புக்குத் தோ்ந்தெடுக்கப்பட்டுள்ளாா்.

இது குறித்து ஹிஸ்புல்லா அமைப்பு வெளியிட்டுள்ள அறிக்கையில் தெரிவிக்கப்பட்டுள்ளதாவது:

அமைப்பின் புதிய பொதுச் செயலராக நயீம் காஸிமை ஷூரா கவுன்சில் (ஹிஸ்புல்லாக்களின் நிா்வாகக் குழு) தோ்ந்தெடுத்துள்ளது. முழு வெற்றியை அடையும்வரை, மறைந்த ஹஸன் நஸ்ரல்லாவின் கொள்கைகளை நயீம் காஸிம் முன்னெடுத்துச் செல்வாா் என்று அந்த அறிக்கையில் குறிப்பிடப்பட்டுள்ளது.

காஸாவில் இஸ்ரேலுக்கும் ஹமாஸ் அமைப்பினருக்கும் இடையே கடந்த ஆண்டு அக்டோபா் 7-ஆம் தேதி போா் தொடங்கியதிலிருந்தே, ஹமாஸுக்கு ஆதரவாக இஸ்ரேல் நிலைகள் மீது ஹிஸ்புல்லா படையினா் தாக்குதல் நடத்திவந்தனா்.