பாகிஸ்தான்: லாகூர் பூஞ்ச் மாளிகையில் பகத் சிங் கண்காட்சி அரங்கு திறப்பு

பாகிஸ்தானின் பஞ்சாப் மாகாணத் தலைநகர் லாகூரில் உள்ள வரலாற்றுச் சிறப்புமிக்க பூஞ்ச் மாளிகையில் சுதந்திரப்போரட்ட வீரர் பகத் சிங் நினைவு கண்காட்சியை அந்த மாகாண அரசு பொதுமக்களின் பார்வைக்கு திறந்துள்ளது.

இந்த கண்காட்சி அரங்கில் பகத் சிங்கின் சுதந்திரப் போராட்டத்தை விளக்கும் வரலாற்று ஆவணங்கள், படங்கள், கடிதங்கள், செய்தித்தாள்கள் மற்றும் பிற நினைவுக் கட்டுரைகள் இடம்பெற்றுள்ளன.

கண்காட்சி அரங்கை கடந்த திங்கள்கிழமை திறந்து வைத்து மாகாண தலைமைச் செயலர் ஜாஹித் அக்தர் ஜமான் கூறியதாவது: தொழில்துறை மற்றும் சுற்றுலாத் துறைகளுக்கு இடையே கையொப்பமான புரிந்துணர்வு ஒப்பந்தத்தின் அடிப்படையில் பூஞ்ச் மாளிகைக்கு சுற்றுலாப்பயணிகள் அனுமதிக்கப்படுகின்றனர்.