தேசிய ஜவுளி கழகத்தில் ரூ.6 கோடி முறைகேடு புகார்: விசாரணையைத் தொடங்கியது சிபிஐ

பாகிஸ்தான் நிறுவனங்கள் மீது வழக்கு

சென்னை, மார்ச் 21: தேசிய ஜவுளி கழகத்தில் ரூ.6 கோடி முறைகேடு புகார் தொடர்பாக சிபிஐ விசாரணையைத் தொடங்கியது. இந்த முறைகேட்டில் பாகிஸ்தானைச் சேர்ந்த இரு நிறுவனங்கள் மீது வழக்குப் பதிவு செய்யப்பட்டுள்ளது.

தேசிய ஜவுளிக் கழக மண்டல அலுவலகம் கோயம்புத்தூரில் செயல்படுகிறது. இந்த கழகத்தின் கீழ் நாடு முழுவதும் 24 ஆலைகள் உள்ளன. இந்த கழகம் மூலம் வெளிநாடுகளுக்கு பருத்தி நூல் விற்பனைக்கு ஏற்றுமதி செய்யப்படுகிறது.

இதன்படி கடந்த 2015-ஆம் ஆண்டு தேசிய ஜவுளி கழகத்தின் மூலம் ரூ.6 கோடி மதிப்புள்ள பருத்தி நூல், பாகிஸ்தான் நாட்டின் கராச்சியில் செயல்படும் மதினா இம்பக்ஸ் இன்டர்நேஷ்னல் நிறுவனத்துக்கு 6 சரக்கு பெட்டகங்களும், டிரான்ஸ் டிரேடு நிறுவனத்துக்கு 4 சரக்கு பெட்டகங்களும் ஏற்றுமதி செய்யப்பட்டன. இந்த வணிகம் லண்டனைச் சேர்ந்த சுஸி கிரேடிட் கேபிட்டல் நிறுவனத்தின் கடன் பத்திரம் மூலம் நடைபெற்றது.