శ్రీ సీతారాముల కళ్యాణం చూతము రారండి

నేటి నుండి శ్రీరామనవమి బ్రహ్మోత్సవాలు చారిత్రకంగా ప్రసిద్ధ దివ్య క్షేత్రంగా జుంటుపల్లి శ్రీరామ క్షేత్రం

తాండూరు, స్నేహిత ఎక్స్ ప్రెస్: యాలాల్ మండల జుంటుపల్లి గ్రామ చివరలో దట్టమైన అడవి ప్రాంతంలో కొండపై వెలసిన శ్రీ సీతారామచంద్రస్వామి బ్రహ్మోత్సవాలు (జాతర) తేది మంగళవారం ఉ"10:15 నిలకు ధ్వజారోహణం, ఆ రాత్రి 10:15 నిలకు ఎదుర్కోలు తేది 17-04-2024 బుధవారం ఉ "11:31నిలకు శ్రీవారి కల్యాణోత్సవం రాత్రి 9:55నిలకు విమాన రథోత్సవం 18-04-2024 గురువారం మధ్యాహ్నం 3:35నిలకు పెరుగు బసంతం వసంతోత్సవం శేషవాహన సేవ తేది 19-04-2024 శుక్రవారం ఉ"10:25 నిలకు శ్రీ మహాలక్ష్మి పూజ హరికథ కాలక్షేపం అన్నదానం తర్వాత ఉత్సవ సమాప్తి జరుగుతోందని దేవాలయ వ్యవస్థాపక ధర్మకర్త హన్మంత్ రావు దేశ్ ముఖ్ దేవాలయ ఏఈ కే. బాలరాజు తెలిపారు.

ఈ ఆలయం తాండూరు నుండి 12 కిలోమీటర్ల దూరంలో కొడంగల్ వెళ్లే మార్గంలో జుంటుగిరిలపై 800 సంవత్సరాల క్రితం వెలసినట్లు సమాచారం. అప్పటి ఈ ప్రాంతం దట్టమైన అభయ అరణ్యం ఉండేది. ఈ అరణ్య ప్రాంతానికి యాదవ వంశమున జన్మించిన ఇద్దరూ అన్నదమ్ములు వెంకట ఉద్దండరావ్ కృష్ణ, ఉద్దండరావు గోవుల కాపరులుగా ఉంటూ తమ గో మందలతో పాటు తరచూ ఈ ప్రాంతానికి వేటకై వచ్చేవారు. అయితే ఒక రోజు ఆ అడవి ప్రాంతంలో తమ గోవులు తప్పిపోవడంతో వేటలో సైతం విఫలం కావడం సకాలంలో గోవులు దొరకకపోవడంతో వంటి పరిమాణాల వల్ల ఆరోజు రాత్రికి అడవి ప్రాంతంలోనే ఉండవలసిన పరిస్థితి ఏర్పడింది.