മലയോരം മുങ്ങി

മഴക്കെടുതിയിൽ മലയോരം, രണ്ട് മരണം മിന്നൽ പ്രളയ സാദ്ധ്യത

തിരുവനന്തപുരം: സംസ്ഥാനത്ത് വ്യാപകമഴയും മിന്നൽ പ്രളയവും തുടരുന്നു. കിഴക്കൻ മേഖലയിലാണ് കാര്യമായി മഴ പെയ്യുന്നത്. പത്തനംതിട്ട പത്തനംതിട്ട കൊല്ലമുളയിൽ ഒഴുക്കിൽപ്പെട്ട സ്ഥലവാസി അദ്വൈത് മരിച്ചു. കൊല്ലം കുംഭവുരുട്ടി വെള്ളച്ചാട്ടത്തിൽ മലവെള്ളപ്പാച്ചിൽ തമിഴ്നാട് സ്വദേശിയും മരിച്ചു. മധുര സ്വ ദേശി കുമാരനാണ് മരിച്ചത്. ഒഴുക്കിൽപ്പെട്ട ഈറോഡ് സ്വദേശി കിഷോറിനെ പുനലൂർ താലൂക്ക് ആശുപത്രിയിൽ പ്രവേശിപ്പിച്ചു. ഇയാളുടെ ആരോഗ്യനില തൃപ്തികരമാണ്. അപകടത്തിന്റെ പശ്ചാത്തലത്തിൽ അച്ചൻകോവിലാറിൽ വിനോദസഞ്ചാരികളെ വിലക്കി വനംവകുപ്പ് ഉത്തരവിറക്കി.