മിഴി നിറച്ച്...മാമുക്കോയയും മടങ്ങി

1946-2023

കോഴിക്കോട്: ഹാസ്യനടനായും സ്വഭാവ നടനായും മലയാള സിനിമയെ വിസ്മയിപ്പിച്ച് മാമുക്കോയ (76) വിടവാങ്ങി. ഇന്നലെ രാത്രി 10 മണി വരെ കോഴിക്കോട് ടൗൺ ഹാളിൽ പൊതുദർശനത്തിന് വച്ച ഭൗതിക ശരീരം - ഇന്ന് രാവിലെ 10 ന് കണ്ണമ്പറമ്പ് ശ്മശാനത്തിൽ കബറടക്കും. സുഹ്റയാണ് ഭാര്യ. മക്കൾ: മുഹമ്മദ് നിസാർ, ഷാഹിദ, നാദിയ, അബ്ദുൽ റഷീദ്. മലപ്പുറം പൂങ്ങോട് സെവൻസ് ഫുട്ബോൾ ടൂർണമെന്റ് ഉദ്ഘാടനം ചെയ്യുന്നതിനിടെ ഹൃദയാഘാതം ഉണ്ടായതിനെ തുടർന്ന് അദ്ദേഹത്തെ മലപ്പുറം വണ്ടൂരിലുള്ള സ്വകാര്യ ആശുപത്രിയിൽ പ്രവേശിപ്പിച്ചിരുന്നു. തുടർന്ന് കോഴിക്കോട്ടെ ആശുപത്രിയിലേക്ക് മാറ്റി. അവിടെ ചികിൽസയിലിരിക്കെയാണ് ഇന്നലെ ഉച്ചയ്ക്ക് 1.05-ന് അന്ത്യം സംഭവിച്ചത്.