રાજકોટ શહેરમાં ૩૫ વર્ષના યુવાનને છરીના ઘા મારી હત્યા કરવામાં આવી

વધુ એક હત્યાનો બનાવ સામે આવ્યો આરોપીના સમાજ વિશે અપમાનિત કરતા બોલાચાલી થઇ હતી અને વાત હત્યા સુધી પહોંચી ગઇ હતી

રાજકોટ શહેરમાં વધુ એક હત્યાવનો બનાવ સામે આવ્યો છે.  જેમાં ગોંડલ રોડ ચોકડી પાછળ રિધ્ધી સિધ્ધીક સોસાયટીમાં રહેતાં ૩૫ વર્ષના યુવાનને રાતે તેના ઘર નજીક રિધ્ધી સિધ્ધી ના નાલા પાસે ઢેબર રોડના ખુણે ઇંડાની લારી ખાતે નાસ્તો કરતો હતો ત્યારે ત્યા હાજર ગઢવી શખ્સ ઝઘડો કરી છરીથી હુમલો કરી પેટ, પડખા, વાંસાના ભાગે છરીના ઘા મારી હત્યા નિપજાવી હતી. ‘તમે બહુ ફાટી ગયા છો' તેમ કહી આરોપીના સમાજ વિશે અપમાનિત કરતા બોલાચાલી થઇ હતી અને વાત હત્યા સુધી પહોંચી ગઇ હતી.