સ્વિગીએઆઇકોનિક દાલ લેક પર ફૂડ ડિલિવરીની કરી શરૂઆત

બેંગલુરુ, ભુવનેશ્વર, વિશાખાપટ્ટનમ વિજયવાડામાં ટ્રેનમાં ભોજન

સ્વિગીએ હવે પાણી પર પણ તેમની ફૂડ ડિલિવરી સેવાઓ શરૂ કરી છે. કંપનીએ તેની શરૂઆત જમ્મુ-કાશ્મીરના શ્રીનગરથી કરી છે. સ્વિગીએ કહ્યું કે કંપનીએ શ્રીનગરના આઇકોનિક દાલ લેક ૫૨ હાઉસબોટ સુધી ખોરાક પહોંચાડવા માટે તેમની સેવાઓનો વિસ્તાર કર્યો છે. કંપનીના ડિલિવરી પાર્ટનર્સ આ તરતી હાઉસબોટ્સ સુધી પહોંચવા માટે શહેરની પ્રખ્યાત શિકારા બોટનો ઉપયોગ કરશે. સ્વિગીએ જણાવ્યું હતું કે પ્રવાસી આકર્ષણો પર ડિલિવરી સુનિશ્ચિત કરવા માટે કંપનીએ શિકારા ઓપરેટર્સ સાથે ભાગીદારી કરી છે. કંપનીની અખબારી યાદી મુજબ આ ઓપરેટરો ને વિસ્તૃત ડિલિવરી સમય માટે પણ વળતર આપવામાં આવે છે.