વિવાદાસ્પદ નિવેદનોને કારણે સ્વરા ભાસ્કરે કામ ગુમાવ્યું

ડિરેક્ટર્સ અને પ્રોડ્યુસર્સ મારા વિશે જેમ તેમ બોલતા

સ્વરા ભાસ્કરનો અભિનય ‘તન્નુ વેડ્સ મન્નુ’, ‘રાંઝણા’, ‘અનારકલી ઓફ આરા’ જેવી ફિલ્મોમાં સ્વરા ભાસ્કરનો અભિનય વખણાયો હતો. દર્શકો અને વિવેચકો બધાં દ્વારા વખાણ થયા હોવા છતાં સ્વરા વધારે ફિલ્મોમાં જોવા મળી નથી. પોતાના શબ્દો પર અડગ રહેવા માટે જાણીતી સ્વરા કામ ન મળવાનો શ્રેય તેના નિખાલસ અને રાજકીય નિવેદનોને આપે છે. સ્વરાએ તાજેતરમાં જ એક ઇન્ટરવ્યૂ આપ્યો હતો, તેમાં તેણે આ અંગે કેટલીક નિખાલસ કબૂલાતો કરી હતી.