મહેસાણા સહિત ઉત્તર ગુજરાતમાં પોસ્ટ વિભાગે ૪.૫૦ લાખ સુકન્યા સમૃદ્ધિ ખાતા ખોલ્યા

...તો પોસ્ટમેન તરત જ તેનું સુકન્યા ખાતું ખોલાવવા ત્યાં પહોંચી જાય છે અત્યાર સુધીમાં ઉત્તર ગુજરાત ક્ષેત્રના લગભગ ૫૦૦ ગામડાઓ સુકન્યા સમૃદ્ધિ ગ્રામમાં પરિવર્તિત થયા

ઉત્તર ગુજરાતના વિસ્તારોમાં, ૧૦ વર્ષ સુધીની દીકરીઓના ઘણા ખાતા પોસ્ટ ઓફિસમાં ખોલવામાં આવ્યા છે, તો ઘણા ગામોમાં તમામ પાત્રતા ધરાવતી દીકરીઓના ખાતા ખોલવામાં આવ્યા છે અને તેમને સંપૂર્ણ સુકન્યા સમૃદ્ધિ ગ્રામ બનાવવામાં આવ્યા છે. આજે ‘રાષ્ટ્રીય દીકરી દિવસ’ નિમિત્તે ઉત્તર ગુજરાત ક્ષેત્ર, અમદાવાદના પોસ્ટ માસ્ટર જનરલ કૃષ્ણ કુમાર યાદવે જણાવ્યું હતું કે અત્યાર સુધીમાં ઉત્તર ગુજરાત ક્ષેત્રના લગભગ ૫૦૦ ગામડાઓ સુકન્યા સમૃદ્ધિ ગ્રામમાં ૫રિવર્તિત થયા છે.